തിരുവനന്തപുരം: തൊണ്ടിമുതല് കേസില് മുന് മന്ത്രി ആന്റണി രാജുവിന്റെ ഭാവി ഇന്നറിയാം. ശിക്ഷാവിധി മരവിപ്പിച്ചാല് ആന്റണി രാജുവിനെ സ്ഥാനാര്ത്ഥിയാക്കാന് തീരുമാനിച്ച് സിപിഐഎം. ശിക്ഷാവിധി മരവിപ്പിക്കണമെന്ന ആന്റണി രാജുവിന്റെ അപ്പീല് ഇന്നാണ് കോടതി പരിഗണിക്കുക. കഴിഞ്ഞ ദിവസം കേസില് രൂക്ഷമായ വാദപ്രതിവാദങ്ങളാണ് കോടതിയില് അരങ്ങേറിയത്.
തിരുവനന്തപുരത്ത് ആന്റണി രാജുവിന് മാത്രമാണ് വിജയസാധ്യത എന്നത് സിപിഎം പരിഗണിക്കും. പ്രചാരണങ്ങളെ ഒറ്റക്കെട്ടായി നേരിടാനും മുന്നണി തീരുമാനിച്ചു. വിധി അനുകൂലമാണെങ്കില് മത്സരിപ്പിക്കാമെന്ന് സിപിഐഎം ആന്റണി രാജുവിനെ അറിയിച്ചിട്ടുമുണ്ട്.
