വാഷിങ്ടൺ: ഇറാൻ സൈന്യത്തോട് കീഴടങ്ങാൻ ആവശ്യപ്പെട്ട് അമേരിക്കൻ പ്രസിഡന്റ് ഡൊണൾഡ് ട്രംപ്. ഇറാന്റെ സൈന്യം ആയുധങ്ങൾ ഉപേക്ഷിക്കണമെന്നും മുന്നറിയിപ്പ് നൽകി. തന്റെ സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യലിലൂടെയാണ് അദ്ദേഹം മുന്നറിയിപ്പ് നൽകിയത്.

ഇറാനിലെ പ്രധാന എണ്ണ കയറ്റുമതി കേന്ദ്രമായ ഖാർഗ് ദ്വീപിലെ സൈനിക കേന്ദ്രങ്ങൾ അമേരിക്കൻ സേന തകർത്തതായും ട്രംപ് അവകാശപ്പെട്ടു. എന്നാൽ ദ്വീപിലെ എണ്ണ ടെർമിനലുകൾ ഇപ്പോഴും സുരക്ഷിതമാണെന്നും അദ്ദേഹം വ്യക്തമാക്കി.

ഇറാന്റെ ആകെ എണ്ണ കയറ്റുമതിയുടെ ഏകദേശം 90 ശതമാനവും ഖാർഗ് ദ്വീപിലെ ടെർമിനലുകൾ വഴിയാണ് നടക്കുന്നത്. ഹോർമൂസ് വഴിയുള്ള കപ്പൽഗതാഗതം തടയുകയാണെങ്കിൽ ഖാർഗ് ദ്വീപിലെ എണ്ണ ടെർമിനലുകൾ ആക്രമിക്കാൻ അമേരിക്ക മടിക്കില്ലെന്നും ട്രംപ് മുന്നറിയിപ്പ് നൽകി. ഇറാനിൽ ഭരണ മാറ്റം എളുപ്പമല്ലെങ്കിലും അതിന് വെല്ലുവിളികൾ ഉണ്ടാകാമെന്നും അദ്ദേഹം പറഞ്ഞു.