കണ്ണൂര്: ഒടുവില് കെ സുധാകരന്റെ സമ്മര്ദ്ദത്തിന് വഴങ്ങി കോണ്ഗ്രസ്. കണ്ണൂരില് സുധാകരന് തന്നെ കോണ്ഗ്രസ് സ്ഥാനാര്ത്ഥിയായി മത്സരിക്കുമെന്നാണ് ഏറ്റവും ഒടുവിലത്തെ റിപ്പോര്ട്ട്. ഒരു ഘട്ടത്തില് കോണ്ഗ്രസ് വിട്ട് പുതിയൊരു പാര്ട്ടി ഉണ്ടാക്കുന്ന അവസ്ഥയില് വരെയെത്തിയിരുന്നു കാര്യങ്ങള്. സംസ്ഥാന വ്യാപകമായി പ്രവര്ത്തകുടെയും നേതാക്കളുടെയും പിന്തുണ തനിക്കുണ്ടെന്നും സുധാകരന് പറഞ്ഞിരുന്നു. തനിക്കൊപ്പം മത്സരിക്കാന് തയ്യാറെടുത്ത് സംസ്ഥാന വ്യാപകമായി ഡിസിസി ഭാരവാഹികള് വരെ രംഗത്തുണ്ടെന്നും സുധാകരന് പറഞ്ഞിരുന്നു. ഇതോടെ കോണ്ഗ്രസിന് വഴങ്ങേണ്ടി വരുകയായിരുന്നു.
സ്ഥാനാര്ഥി നിര്ണയവുമായി ബന്ധപ്പെട്ട് കഴിഞ്ഞ കുറച്ചുദിവസങ്ങളിലായി സുധാകരന് കടുത്ത അതൃപ്തിയിലായിരുന്നു. മത്സരിക്കാനുള്ള തീരുമാനത്തില് ഉറച്ച സുധാകരന് ഒരു അനുനയത്തിനും വഴങ്ങിയിരുന്നില്ല. എന്നാല് എംപിമാരെ മത്സരിപ്പിക്കേണ്ടതില്ലെന്ന കടുത്ത നിലപാടിലായിരുന്നു കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ. ഇതോടെ കെ സുധാകരനും അടൂര് പ്രകാശിനും സീറ്റുണ്ടാകില്ലെന്ന് ഉറപ്പാവുകയായിരുന്നു. പിന്നാലെയാണ് സുധാകരന് പാര്ട്ടി വിടുമെന്ന് ഉറപ്പായത്.
