കണ്ണൂര്‍: വയനാട് ഫണ്ടിനെ കുറിച്ചുള്ള കണക്കുകളുമായി കോണ്‍ഗ്രസ്. ജോയിന്റ് അക്കൗണ്ടില്‍ കോണ്‍ഗ്രസിന് ആകെ ലഭിച്ചത് 5 കോടി 38 ലക്ഷത്തി 21632 രൂപ മാത്രമാണെന്ന് കെപിസിസി പ്രസിഡന്റ് സണ്ണി ജോസഫ് വാര്‍ത്താസമ്മേളനത്തില്‍ വെളിപ്പെടുത്തി.

3 കോടി 68 ലക്ഷം രൂപ മുടക്കി സ്ഥലം വാങ്ങി. ഒരു കോടി അഞ്ച് ലക്ഷം രൂപ യൂത്ത് കോണ്‍ ഗ്രസ് നല്‍കി. അക്കൗണ്ട് വഴി ലഭിച്ചതിന് പുറത്താണ് യൂത്ത് കോണ്‍ഗ്രസ് നല്‍കിയ ഫണ്ട്. കെപിസിസി ഫണ്ടില്‍ നിന്ന് 97 ലക്ഷം രൂപ കൂടി മുടക്കിയാണ് സ്ഥലം വാങ്ങിയതെന്നും സണ്ണി ജോസഫ് പറഞ്ഞു.

73 ലക്ഷം രൂപ കൂടി രജിസ്‌ട്രേഷന് ആവശ്യമുണ്ട്. അത് കെപിസിസി-എഐസിസി ഫണ്ടില്‍ നിന്നും കണ്ടെത്തും. വീട് നിര്‍മാണത്തിന് പണം പിരിക്കില്ലെന്നും ഇനിയും പാര്‍ട്ടിയുടെ ഫണ്ടില്‍ നിന്നും പണം കണ്ടെത്തി വീടുകള്‍ പൂര്‍ത്തിയാക്കുമെന്നും സണ്ണി ജോസഫ് പറഞ്ഞു.