ഐപിഎൽ മത്സരങ്ങൾ ആവേശകരമായി മുൻപോട്ട് പോകുമ്പോൾ ആരാധകരും ഏറെ ആവേശത്തിലാണ്. ഇത്തവണ ഐപിഎൽ തുടങ്ങിയപ്പോൾ തന്നെ ഏറ്റവും കൂടുതൽ കാണികളുള്ളത് നിലവിലെ ചാമ്പ്യന്മാരായ ആർസിബിയുടെ മത്സരങ്ങൾക്കാണ്. കിംഗ് കോഹ്ലി തന്നെയാണ് ആർസിബിയുടെ ഈ ആരാധകരുടെ പ്രധാന ഉറവിടം. ഒടിടി കാഴ്ചക്കാരിലും ആദ്യ നാല് സ്ഥാനത്തും ആർസിബിയുടെ മത്സരങ്ങൾ തന്നെയാണ്. ബെം​ഗളൂരു- സൺറൈസേഴ്‌സ് ഹൈദരാബാദ് മത്സരമാണ് ഒന്നാം സ്ഥാനത്ത്. 434 മില്യൺ കാഴ്ചക്കാരാണ് ഈ മത്സരത്തിനുള്ളത്. പതിനെട്ട് വർഷങ്ങളുടെ കാത്തിരിപ്പിനൊടുവിലാണ് കഴിഞ്ഞ സീസൺ ആർസിബിക്ക് ഐപിഎൽ ടൈറ്റിൽ ലഭിച്ചത്. അതുകൊണ്ടു തന്നെ മറ്റേത് ടീമിനെക്കാൾ ആരാധകരുമുണ്ട് ആർസിബിക്ക്.