മലപ്പുറം: നിയമസഭാ തെരഞ്ഞെടുപ്പിന്റെ ഫലം വരുന്നതിന് മുമ്പേ മന്ത്രിമാരുടെ പേഴ്സണല് സ്റ്റാഫിനെ പറ്റിയുള്ള മാര്ഗനിര്ദേശങ്ങളുമായി മുസ്ലീം ലീഗ്. യുഡിഎഫ് സര്ക്കാര് അധികാരത്തിലെത്തിയാല് മന്ത്രിമാര് ഏകപക്ഷീയമായി സ്റ്റാഫിനെ തീരുമാനിക്കരുതെന്നും മണ്ഡലം കമ്മിറ്റികളുടെയും പോഷക സംഘടനകളുടേയും അഭിപ്രായം തേടണം, ഉപജാപക സംഘങ്ങളുടെ പിടിയിലാകാതെ ജാഗ്രത പാലിക്കണമെന്നും സംസ്ഥാന കമ്മിറ്റിയില് നിര്ദേശം നല്കി.
ഇന്നലെ ചേര്ന്ന സംസ്ഥാന കമ്മിറ്റി യോഗത്തിലും വെള്ളിയാഴ്ച ചേര്ന്ന മലപ്പുറം ജില്ലാകമ്മിറ്റി യോഗത്തിലും ഉയര്ന്നു വന്ന നിര്ദേശങ്ങളാണിത്. യുഡിഎഫിനെ അധികാരത്തിലെത്തിക്കുന്നതില് പോഷക സംഘടനകള്ക്കും അടിത്തട്ടില് പ്രവര്ത്തിക്കുന്നവര്ക്കും വലിയ പങ്ക് ഉണ്ട്. ഉപജാപക സംഘത്തിന്റെ പിടിയില്പ്പെട്ട് വ്യക്തിതാല്പര്യത്തിനനുസരിച്ച് പേ്സണല് സ്റ്റാഫിനെ തീരുമാനിക്കരുതെന്നാണ് നേതാക്കള്ക്ക് നല്കിയിരിക്കുന്ന നിര്ദേശം.
അതേസമയം ഫലം വരാതെ കോണ്ഗ്രസിലെ മുഖ്യമന്ത്രി ചര്ച്ചകളില് തല്ക്കാലം തങ്ങള് ഇടപെടേണ്ടതില്ലെന്ന് സംസ്ഥാന പ്രസിഡന്റ് പാണക്കാട് സയ്യിദ് ശിഹാബ് തങ്ങളും അഖിലേന്ത്യാ ജനറല് സെക്രട്ടറി പി കെ കുഞ്ഞാലിക്കുട്ടിയും പറഞ്ഞു.
