എറണാകുളം: തനിക്കെതിരായ രാജ്മോഹന് ഉണ്ണിത്താന്റെ വിമര്ശനത്തില് പ്രതികരവുമായി രംഗത്ത് വന്നിരിക്കുകയാണ് മാത്യു കുഴൽനാടൻ. രാജ്മോഹന് ഉണ്ണിത്താന്റെ മുന്നില് താന് അല്പ്പന് തന്നെയാണെന്നായിരുന്നു മാത്യു കുഴല്നാടന്റെ പ്രതികരണം. ഇക്കാരണത്താല് ഇതിന് മറുപടി പറയാന് ആഗ്രഹിക്കുന്നില്ലെന്നും രാജ്മോഹന് ഉണ്ണിത്താന് പറഞ്ഞു. അഭിപ്രായം പറയാന് ആര്ക്കും സ്വാതന്ത്ര്യമുണ്ട്. മുഖ്യമന്ത്രി ചര്ച്ചകള് തെരുവിലേക്ക് വലിച്ചു വയ്ക്കരുത്. നേതാക്കളുടെ ബാനറുകള് വലിച്ച് കീറുന്നത് കോണ്ഗ്രസ് പ്രവര്ത്തിക്ക് ചേര്ന്നതല്ലെന്നും അദ്ദേഹം പറഞ്ഞു.
കോണ്ഗ്രസിന്റെ ആഭ്യന്തരകാര്യങ്ങളില് ലീഗ് ഇടപെടേണ്ടെന്ന മാത്യു കുഴല്നാടന്റെ പ്രസ്താവനയെ പരിഹസിച്ചായിരുന്നു രാജ്മോഹന് ഉണ്ണിത്താന്റെ പ്രതികരണം. അല്പ്പന് ഐശ്വര്യം കിട്ടിയാല് അര്ധരാത്രിയും കുടപിടിക്കുമെനന്നായിരുന്നു രാജ്മോഹന് ഉണ്ണിത്താൻ പറഞ്ഞത്. മുസ്ലിം ലീഗ് യുഡിഎഫിന്റെ ടീമില്പ്പെട്ട ആളുകളാണ്. അവര്ക്ക് വ്യക്തമായ അഭിപ്രായം ഉണ്ട്. അത് രഹസ്യമായും പരസ്യമായും പറയാം. യുഡിഎഫ് അധികാരത്തില് വരാന് പോകുന്നത് ന്യൂനപക്ഷങ്ങള് സഹായിച്ചതുകൊണ്ടാണ്. അവര്ക്കൊക്കെ അവരുടെ ആഗ്രഹങ്ങള് രഹസ്യമായും പരസ്യമായും പറയാന് ആഗ്രഹമുണ്ടെന്നും രാജ്മോഹന് ഉണ്ണിത്താന് പറഞ്ഞിരുന്നു.
