ന്യൂഡൽഹി: കോക്രോച്ച് ജനത പാർട്ടി (സിജെപി) ശനിയാഴ്ച സംഘടിപ്പിക്കുന്ന പ്രതിഷേധ പരിപാടിയിൽ ഇടത് വിദ്യാർത്ഥി സംഘടനകളുടെ പ്രതിനിധികളും പങ്കെടുക്കും. സിജെപിയുടെ ക്ഷണം സ്വീകരിച്ച് എസ്എഫ്ഐ ദില്ലി സെക്രട്ടറി ഐഷി ഘോഷ് പ്രതിഷേധത്തിൽ പങ്കെടുക്കുമെന്ന് എസ്എഫ്ഐ നേതൃത്വം അറിയിച്ചു.
അതേസമയം, എസ്എഫ്ഐ പ്രവർത്തകർ കൂട്ടമായി പ്രതിഷേധത്തിൽ പങ്കെടുക്കുമോ എന്ന കാര്യത്തിൽ ഇതുവരെ തീരുമാനമായിട്ടില്ല. നിലവിൽ പ്രതിനിധി തലത്തിലുള്ള പങ്കാളിത്തമാണ് സംഘടന പ്രഖ്യാപിച്ചിരിക്കുന്നത്.
ഇതിനുപുറമെ, ഇടത് വിദ്യാർത്ഥി സംഘടനയായ ഐസയുടെ പ്രതിനിധികളും പ്രതിഷേധത്തിൽ പങ്കെടുക്കുമെന്നാണ് ലഭിക്കുന്ന വിവരം.യുവാക്കൾക്കിടയിൽ ശ്രദ്ധ നേടിയ കോക്രോച്ച് ജനത പാർട്ടി സംഘടിപ്പിക്കുന്ന പ്രതിഷേധത്തിന് വിവിധ വിദ്യാർത്ഥി സംഘടനകളുടെ പിന്തുണ ലഭിക്കുന്നത് പരിപാടിക്ക് കൂടുതൽ ശ്രദ്ധ നേടിക്കൊടുക്കുമെന്നാണ് വിലയിരുത്തൽ.
