കായംകുളം: എറണാകുളത്ത് നിന്ന് കോട്ടയം വഴി കായംകുളത്തേക്ക് പോയ മെമു ട്രെയിനിൽ നിന്ന് പുക ഉയർന്നതിനെ തുടർന്ന് ട്രെയിൻ നിർത്തി പരിശോധന നടത്തി. കായംകുളം നടക്കാവ് ഗേറ്റിന് സമീപത്താണ് സംഭവം. ട്രെയിനിന്റെ പിന്നിലെ ബോഗിയുടെ അടിഭാഗത്ത് നിന്നാണ് പുക ഉയർന്നത്.
വീൽ ജാം ആയതാകാം പുക ഉയരാൻ കാരണമെന്ന് പ്രാഥമിക നിഗമനം. വിവരമറിഞ്ഞെത്തിയ ഫയർഫോഴ്സും റെയിൽവേ ഉദ്യോഗസ്ഥരും സ്ഥലത്ത് പരിശോധന നടത്തി. സംഭവത്തിൽ ആളപായമൊന്നും റിപ്പോർട്ട് ചെയ്തിട്ടില്ല. കൂടുതൽ പരിശോധനകൾക്ക് ശേഷം ട്രെയിൻ സർവീസുമായി ബന്ധപ്പെട്ട തുടർനടപടികൾ റെയിൽവേ അധികൃതർ സ്വീകരിക്കും.
