ഗ്ലാസ്ഗോ: കോമൺവെൽത്ത് ഗെയിംസ് ബോക്സിങ് 80 കിലോ വിഭാഗത്തിൽ ഇന്ത്യൻ താരം അങ്കുഷ് പംഗൽ ഫൈനലിൽ കടന്നു. സെമിയിൽ കനേഡിയൻ താരം ജോഷ്വ ഒഫോരിയെ 5–0നാണ് അങ്കുഷ് തോൽപിച്ചത്. വനിതകളുടെ ബോക്സിങ് 54 കിലോ വിഭാഗത്തില്‍ പ്രീതി പവാറും ഫൈനലിലെത്തി. സാംബിയയുടെ കാതറിൻ മേപിനെയാണ് പ്രീതി കീഴടക്കിയത്. 4×400 മീറ്റർ മിക്സഡ് റിലേയിൽ ഇന്ത്യ ഫൈനലിൽ കടന്നു. ഹീറ്റ്സിൽ നാലാം സ്ഥാനക്കാരായാണ് ഇന്ത്യ മുന്നേറിയത്. ഇന്ത്യയ്ക്കായി വിശാൽ ടി.കെ, അൻസ, രാജേഷ് രമേഷ്, റാഷ്ദീപ് കൗർ എന്നിവർ 3:20:98 മിനിറ്റിലാണ് ഫിനിഷ് ചെയ്തത്.

പുരുഷ ട്രിപ്പിൾ ജംപില്‍ ഇന്ത്യൻ താരങ്ങളായ പ്രവീണ്‍ ചിത്രവേലും സെൽവ പ്രഭുവും ഫൈനലിൽ കടന്നു. 16.41 മീറ്റർ‌ പിന്നിട്ട ചിത്രവേൽ രണ്ടാമതും 16.26 മീറ്റർ പിന്നിട്ട സെൽവ മൂന്നാമതുമാണ് ഫിനിഷ് ചെയ്തത്.