കൊച്ചി: ഓണത്തോടനുബന്ധിച്ച് യാത്രക്കാരുടെ തിരക്ക് കണക്കിലെടുത്ത് അധിക സർവീസുകൾ നടത്താൻ കൊച്ചി മെട്രോ. ഓഗസ്റ്റ് 22, 24, 25 തീയതികളിലാണ് അധിക സർവീസുകൾ ക്രമീകരിച്ചിരിക്കുന്നത്. ഉച്ചയ്ക്ക് ശേഷം മൂന്ന് മണി മുതൽ തിരക്കേറിയ സമയങ്ങളിൽ 6 മിനിറ്റ് 45 സെക്കൻഡ് ഇടവേളയിൽ നാല് അധിക സർവീസുകൾ നടത്തും.
ഓഗസ്റ്റ് 23 ഞായറാഴ്ച രണ്ട് ട്രെയിനുകൾ അധികമായി സർവീസ് നടത്തും. ഉച്ചയ്ക്ക് 2.30 മുതൽ 7 മിനിറ്റ് 13 സെക്കൻഡ് ഇടവേളയിൽ എട്ട് അധിക ട്രിപ്പുകളാണ് അന്ന് ക്രമീകരിച്ചിരിക്കുന്നത്.
യാത്രക്കാരുടെ തിരക്ക് വർധിക്കുന്ന സാഹചര്യം കണക്കിലെടുത്ത് ആവശ്യാനുസരണം ഉപയോഗിക്കുന്നതിനായി ഒരു ട്രെയിൻ കൂടി സജ്ജമായി നിർത്തുമെന്നും കെഎംആർഎൽ അധികൃതർ അറിയിച്ചു.
