വാഷിങ്ടൻ: യുഎസ് ഓപ്പൺ ടെന്നിസ് വനിതാ സിംഗിൾസിൽ കന്നി കിരീടം നേടി കസഖ്സ്ഥാൻ താരം എലേന റിബകിന. മൂന്ന് സെറ്റ് നീണ്ട വാശിയേറിയ പോരാട്ടത്തിനൊടുവിലാണ് നിലവിലെ ചാംപ്യനായ അരീന സബലേങ്കയെ തോൽപ്പിച്ച് കസഖ് താരം കിരീടമുയർത്തിയത്. സ്കോർ: 6-4, 5-7, 6-2. മത്സരം രണ്ട് മണിക്കൂറും 21 മിനിറ്റും നീണ്ടുനിന്നു.

യുഎസ് ഓപ്പണിൽ തുടർച്ചയായ മൂന്നാം കിരീടം ലക്ഷ്യമിട്ടിറങ്ങിയതായിരുന്നു സബലേങ്ക. റിബകിനയുടെ കരിയറിലെ മൂന്നാമത്തെ ഗ്രാൻഡ്‍സ്‍ലാം കിരീടമാണിത്. 2022ൽ വിംബിൾഡണും ഈ വർഷം ആദ്യം ഓസ്ട്രേലിയൻ ഓപ്പണും താരം സ്വന്തമാക്കിയിരുന്നു. ഫ്രഞ്ച് ഓപ്പൺ കൂടി നേടിയാൽ റിബാകിനക്ക് കരിയർ ഗ്രാൻഡ്സ്ലാം പൂർത്തിയാക്കാം.