ലണ്ടന്: യൂറോപ്പിലെമ്പാടും കുട്ടികള്ക്ക് സാമൂഹിക മാധ്യമ വിലക്ക്. പതിമൂന്ന് വയസിന് താഴെയുള്ളവര്ക്ക് സമ്പൂര്ണ നിരോധനം ഏര്പ്പെടുത്തി യൂറോപ്യന് യൂണിയന്. പതിനഞ്ച് വയസുവരെയുള്ള കുട്ടികള്ക്ക് ഭാഗിക നിയന്ത്രണവും ഏര്പ്പെടുത്തി. കുട്ടികളുടെ ശാരീരികവും മാനസികവുമായ ആരോഗ്യത്തെ സാമൂഹിക മാധ്യമങ്ങള് ദോഷകരമായി ബാധിക്കുന്നുവെന്ന പശ്ചാത്തലത്തിലാണ് ഈ നീക്കം.
യൂറോപ്യന് യൂണിയന് മേധാവി ഉര്സുല വോണ് ഡെര് ലെയനാണ് ഇക്കാര്യം അറിയിച്ചത്. ‘ഓരോ പ്രായത്തിനും അതിന്റേതായ പ്രത്യേകതകളുണ്ട്. അതിനാല്, ഓരോരുത്തര്ക്കും അവരവര്ക്ക് അനുയോജ്യമായ സംരക്ഷണ തലങ്ങള് ഉണ്ടായിരിക്കും,’ ഉര്സുല വോണ് പറഞ്ഞു. 13 വയസ്സിന് താഴെ സാമൂഹിക മാധ്യമങ്ങള് അനുവദിക്കില്ല. 15 വയസ്സിന് താഴെ വ്യക്തിഗത അക്കൗണ്ടുകള് പാടില്ലെന്നും അവര് കൂട്ടിച്ചേര്ത്തു. 13 മുതല് 15 വയസ്സ് വരെ, മാതാപിതാക്കളോ രക്ഷകര്ത്താക്കളോ സജ്ജീകരിച്ച് മേല്നോട്ടം വഹിക്കുന്ന ‘മിനി അക്കൗണ്ടുകള്’ മാത്രമേ ഉപയോഗിക്കാന് കഴിയൂ.
