നാഷ്‌വിൽ: യുഎസിലെ ടെനിസിയിൽ മരുന്നു കുത്തിവച്ചുള്ള വധശിക്ഷ നടപ്പാക്കുന്നത് പരാജയപ്പെട്ട് ഇപ്പോഴും ജീവനോടെയിരിക്കുന്ന കൊലക്കേസ് പ്രതി ക്രിസ്റ്റ പൈക്കി(50)ന്റെ ആരോഗ്യനില മെച്ചപ്പെടുന്നതായി അവരുടെ അഭിഭാഷകർ അറിയിച്ചു. ക്രിസ്റ്റ ഭക്ഷണം കഴിക്കാനും പരസഹായത്തോടെ നടക്കാനും തുടങ്ങി. 30ന് ആണു വധശിക്ഷ നടപ്പാക്കാൻ ശ്രമം നടന്നത്. ക്രിസ്റ്റ ബോധം വീണ്ടെടുത്തെങ്കിലും ഓർമ നഷ്ടപ്പെട്ട അവസ്ഥയിലാണ്. ശിക്ഷ ജീവപര്യന്തമായി കുറയ്ക്കുമോ അതോ വധശിക്ഷയുമായി മുന്നോട്ടുപോകുമോ തുടങ്ങിയ കാര്യങ്ങൾ അധികൃതർ വ്യക്തമാക്കിയിട്ടില്ല. ഈ സംഭവത്തിന് പിന്നാലെ അമേരിക്കയിൽ വധശിക്ഷകളെല്ലാം നിർത്തിവെച്ചിരുന്നു.