കോഴിക്കോട്: വഖഫ് ബോർഡ് പുനഃസംഘടനയിൽ സർക്കാരിനെ വിമർശിച്ച് കാന്തപുരം വിഭാഗം സമസ്ത. സർക്കാർ നിലപാട് അനീതിയും അന്യായവുമാണെന്ന് എസ്.വൈ.എസ് സംസ്ഥാന ജനറൽ സെക്രട്ടറി റഹ്മത്തുള്ള സഖാഫി എളമരം പറഞ്ഞു.
കേരളത്തിലെ വഖഫ് സ്വത്തുക്കളുടെ ഭൂരിഭാഗവും നിയന്ത്രിക്കുന്നത് ഇരു സമസ്തകളാണെന്നും എന്നിട്ടും പുതിയ വഖഫ് ബോർഡിൽ ഇരു സമസ്തകളിൽനിന്നും പ്രതിനിധികളെ ഉൾപ്പെടുത്തിയിട്ടില്ലെന്നും അദ്ദേഹം ചൂണ്ടിക്കാട്ടി.
ഇരു സമസ്തകളുടെയും നേതൃത്വത്തിൽ ഇരുപതിനായിരത്തിലധികം മദ്രസകളും ആയിരത്തോളം ഉന്നത മതവിദ്യാഭ്യാസ സ്ഥാപനങ്ങളും ആയിരക്കണക്കിന് മഹല്ലുകളും പ്രവർത്തിക്കുന്നുണ്ടെന്നും റഹ്മത്തുള്ള സഖാഫി വ്യക്തമാക്കി.
