പാലക്കാട്: പാലക്കാട് പട്ടാമ്പിയിൽ രായിരനെല്ലൂർ മലകയറ്റത്തിനിടെ കുഴഞ്ഞുവീണ് യുവാവ് മരിച്ചു. മലപ്പുറം തിരൂരങ്ങാടി കുളത്തായി വീട്ടിൽ സനേഷ് (45) ആണ് മരിച്ചത്. ഇന്ന് രാവിലെ മലകയറ്റത്തിനിടെ മലമുകളിൽ വെച്ച് ശ്വാസതടസ്സം അനുഭവപ്പെടുകയായിരുന്നു. തുടർന്ന് കൊപ്പത്തെ സ്വകാര്യ ആശുപത്രിയിൽ എത്തിക്കുന്നതിനിടെയാണ് മരണം സംഭവിച്ചത്.

പെയിന്റിങ് തൊഴിലാളിയായ സനേഷ് കഴിഞ്ഞ നാലു വർഷമായി പതിവായി രായിരനെല്ലൂർ മല ചവിട്ടാറുണ്ടായിരുന്നു.