തിരുവനന്തപുരം: മുഖ്യമന്ത്രിക്ക് പൂർണ പിന്തുണ പ്രഖ്യാപിച്ച് ആരോഗ്യമന്ത്രി കെ മുരളീധരൻ. മന്ത്രിസഭാ യോഗത്തിലെ തർക്കങ്ങളുമായി ബന്ധപ്പെട്ട് ആര് എന്ത് നീക്കം നടത്തിയാലും കാര്യമില്ലെന്നും വി.ഡി. സതീശൻ അഞ്ച് വർഷം കാലാവധി പൂർത്തിയാക്കുമെന്നും അദ്ദേഹം പറഞ്ഞു. ജനാധിപത്യ സംവിധാനത്തിൽ വിമർശനങ്ങൾ സ്വാഭാവികമാണ്. മുഖ്യമന്ത്രി ശക്തമായി മുന്നോട്ടുപോകുമെന്നും മന്ത്രിസഭയുടെയും ജനങ്ങളുടെയും പിന്തുണ അദ്ദേഹത്തിനുണ്ടെന്നും കെ. മുരളീധരൻ കൂട്ടിച്ചേർത്തു.
നിലയ്ക്കലിൽ പൊലീസ് ഉദ്യോഗസ്ഥൻ ഡ്രൈവറെ മർദിച്ച സംഭവത്തിലും ശക്തമായ നടപടിയുണ്ടാകുമെന്ന് അദ്ദേഹം വ്യക്തമാക്കി.
അതേസമയം, പത്മജയുടെ കോൺഗ്രസ് പ്രവേശനവുമായി ബന്ധപ്പെട്ട വിഷയത്തിൽ പ്രതികരിക്കാൻ കെ. മുരളീധരൻ തയ്യാറായില്ല. ഇക്കാര്യത്തിൽ പാർട്ടിയാണ് തീരുമാനമെടുക്കേണ്ടതെന്നും അദ്ദേഹം പറഞ്ഞു.
എ.പി. അനിൽകുമാറിനെതിരെ ഉയരുന്ന സൈബർ ആക്രമണങ്ങളെക്കുറിച്ചുള്ള ചോദ്യത്തിനും അദ്ദേഹം പ്രതികരിച്ചു. ഇത്തരം വിമർശനങ്ങളൊന്നും താൻ ശ്രദ്ധിക്കാറില്ലെന്നും തനിക്കെതിരെയും നിരവധി വിമർശനങ്ങൾ ഉണ്ടായിട്ടുണ്ടെന്നും അതൊന്നും കാര്യമാക്കുന്നില്ലെന്നും കെ. മുരളീധരൻ പറഞ്ഞു.


