പാലക്കാട്:പാലക്കാട് ക്വാറിയില് കാല് വഴുതി വീണ് സഹോദരങ്ങളുടെ മക്കളായ രണ്ടുപേര് മരിച്ചു.പുലാപ്പറ്റ കോണിക്കഴി മുണ്ടോളി ചെഞ്ചുരുളി മണികണ്ഠന് മകന് മേഘജ് (18), രവീന്ദ്രന് മകന് അഭയ് (21) എന്നിവരാണ് മരിച്ചത്.ഇന്നലെ രാത്രി 10.30 നാണ് സംഭവം.വീടിനടുത്ത് ക്വറിക്ക് സമീപം സംസാരിച്ച് നടന്നു പോകുന്നതിനിടയില് മേഘജ് കാല് വഴുതി വീഴുകയും രക്ഷിക്കാന് ശ്രമിച്ച അഭയ് ഒപ്പം വീഴുകയുമായിരുന്നെന്ന് പോലീസ് പറഞ്ഞു.സംഭവം കണ്ട സമീപവാസി ഉടന് പോലീസില് വിവരം അറിയിക്കുകയായിരുന്നു.ക്വാറിയില് 50 അടിയോളം താഴ്ചയില് വെള്ളമുണ്ട്.
മലപ്പുറത്ത് വീണ്ടും മഞ്ഞപ്പിത്ത മരണം
അഗ്നിശമന സേനയെത്തി തിരച്ചില് നടത്തി ആദ്യം മേഘജിന്റെയും പിന്നീട്12.30 ഓടെ അഭയ് യുടെയും മൃതദേഹം കണ്ടെടുക്കുകയായിരുന്നു. പുലാപ്പറ്റ എം.എന്.കെ.എം സ്കൂളില് നിന്നും ഈവര്ഷം പ്ലസ് ടു കഴിഞ്ഞ വിദ്യാര്ത്ഥിയാണ് മേഘജ്.നെഹ്റു കോളേജ് രണ്ടാം വര്ഷ ഡിഗ്രി വിദ്യാര്ഥിയാണ് അഭയ്.മൃതദേഹം ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
