തൃശ്ശൂര്: പാര്ലമെന്റ് തിരഞ്ഞെടുപ്പില് തൃശ്ശൂരിലെ പരാജയം അന്വേഷിച്ച കമ്മീഷനെ പരിഹസിച്ച് കെ മുരളീധരന്. എല്ലാ ഇലക്ഷന് കഴിഞ്ഞാലും ഞങ്ങള് കമ്മീഷനെ വയ്ക്കാറുണ്ട്. അതിന്റെ ഭാഗമായി ഒരു കമ്മീഷനെ വെച്ചു അത്രയേ ഉള്ളൂ എന്നായിരുന്നു കെ മുരളീധരന്റെ പരിഹാസം. തൃശ്ശൂര് ഡിസിസി പ്രസിഡന്റ് ഉണ്ടായിട്ടും വലിയ പ്രയോജനം ഉണ്ടായിട്ടില്ലല്ലോ എന്നും മുരളീധരന് പരിഹസിച്ചു.
പ്രസിഡന്റ് ഇല്ലാതെ രണ്ടുമൂന്നു ഉപതെരഞ്ഞെടുപ്പില് വിജയിച്ചു. ഒരു കുഴപ്പവും ഉണ്ടായില്ല. എന്നാല് കഴിഞ്ഞ തെരഞ്ഞെടുപ്പില് മുക്കാല് ലക്ഷത്തിന്റെ കുറവ് പാര്ലമെന്റ് തിരഞ്ഞെടുപ്പില് ഉണ്ടായി. പ്രസിഡന്റ് ഇല്ലെങ്കിലും കാര്യങ്ങളൊക്കെ നടന്നുപോകും, ഡിസിസി പ്രസിഡണ്ടിനെ ഉടനെ തീരുമാനിച്ചില്ലെങ്കില് ആകാശം ഇടിഞ്ഞു പോകും എന്ന അഭിപ്രായമൊന്നും ഇല്ലെന്നും മുരളീധരന് വ്യക്തമാക്കി.
