ബെംഗളൂരു: ഡി കെ ശിവകുമാറിന് ഈ വര്ഷം അവസാനം മുഖ്യമന്ത്രി പദം നല്കുമെന്ന സൂചന നല്കി സിദ്ധരാമയ്യ. വിഷയത്തില് കോണ്ഗ്രസ് ഹൈക്കമാന്ഡ് അന്തിമതീരുമാനമെടുക്കുമെന്നും സിദ്ധരാമയ്യ പറഞ്ഞു. മുഖ്യമന്ത്രി പദത്തില് രണ്ടര വര്ഷമാവുന്നതോടെ താന് മുഖ്യമന്ത്രി സ്ഥാനം കൈമാറുമെന്ന സൂചനയാണ് സിദ്ധരാമയ്യ ഇപ്പോള് നല്കിയിരിക്കുന്നത്.
2023ല് നിയമസഭ തിരഞ്ഞെടുപ്പില് കോണ്ഗ്രസ് വിജയിച്ചു കയറിയോടെ ഇരുനേതാക്കളും മുഖ്യമന്ത്രി സ്ഥാനത്തേക്ക് അവകാശവാദമുന്നയിച്ചിരുന്നു. തുടര്ന്ന് രണ്ടരവര്ഷം വീതം പദവി പങ്കിടുക എന്ന ധാരണയിലെത്തിയതായി റിപ്പോര്ട്ടുകളുണ്ടായിരുന്നു. എന്നാല് അങ്ങനയൊരു ധാരണയില്ലെന്നാണ് സിദ്ധരാമയ്യ പ്രതികരിച്ചിരുന്നത്.
