തെന്നിന്ത്യൻ താരസുന്ദരി തൃഷ അഭിനയം നിര്ത്തുന്നുവെന്ന അഭ്യൂഹം കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ പരക്കുന്നുണ്ടായിരുന്നു. താരം അഭിനയം നിർത്തുവെന്നും നടന് വിജയ് ആരംഭിച്ച തമിഴ് വെട്രി കഴകം പാര്ട്ടിയില് അംഗമാകും എന്നായിരുന്നു ഗോസിപ്പ്. ഇപ്പോഴിതാ ഇത്തരം ഗോസ്സിപ്പുകൾക്ക് മറുപടിയുമായി എത്തിയിരിക്കുകയാണ് തൃഷയുടെ അമ്മ ഉമ കൃഷ്ണന്.
തൃഷ അഭിനയം അവസാനിപ്പിക്കില്ലെന്നും രാഷ്ട്രീയത്തിലേക്ക് ഇല്ലെന്നും ഉമ കൃഷ്ണന് പ്രതികരിച്ചു. തൃഷ സിനിമയില് തന്നെ തുടരും എന്നും ഉമ കൃഷ്ണന് പറഞ്ഞു. ഐഡന്റിറ്റി എന്ന ടൊവിനോ ചിത്രമാണ് തൃഷയുടേതായി ഈ വർഷം ആദ്യം പുറത്തു വന്നത്.
ഫെബ്രുവരി 6ന് അജിത്ത് നായകനായി എത്തുന്ന വിഡാമുയര്ച്ചി തിയേറ്ററുകളിൽ എത്തും. അജിത്തിനൊപ്പം തന്നെ അഭിനയിച്ച മറ്റൊരു ചിത്രമായ ഗുഡ് ബാഡ് അഗ്ലി ഏപ്രിൽ 10ന് റിലീസ് ചെയ്യും എന്നാണ് വിവരം. തുടർന്ന് മണിരത്നം സംവിധാനം ചെയ്ത തഗ് ലൈഫ് എന്ന സിനിമയും താരം പൂർത്തിയാക്കിയിട്ടുണ്ട്.
