കോട്ടയം: കുടുംബസ്വത്തിനെ ചൊല്ലിയുള്ള തര്ക്കത്തെത്തുടര്ന്ന് മകളുടെ ഭര്ത്താവിന്റെ വെട്ടേറ്റ് അമ്മായിയമ്മയ്ക്കും സഹോദരിക്കും വെട്ടേറ്റു.
വലവൂര് വെള്ളംകുന്നേല് പരേതനായ സുരേന്ദ്രന്റെ ഭാര്യ യമുന (50), ഇവരുടെ ജേഷ്ഠ സഹോദരി സോമവല്ലി (60) എന്നിവര്ക്കാണ് പരിക്കേറ്റത്.
ഗുരുതര പരിക്കുകളോടെ യമുനയെ തെള്ളകത്തെ സ്വകാര്യ ആശുപത്രിയിലും സോമവല്ലിയെ കോട്ടയം മെഡിക്കല് കോളേജിലും പ്രവേശിപ്പിച്ചു.
സംഭവത്തിൽ സോമവല്ലിയുടെ മകളുടെ ഭര്ത്താവ് കരിങ്കുന്നം സ്വദേശി കെഎസ്ആര്ടിസി ഡ്രൈവര് ആദര്ശ് പീതാംബരനെ (കണ്ണന്-40) പാലാ പോലീസ് കസ്റ്റഡിയിലെടുത്തു. ബുധനാഴ്ച രാത്രി ഏഴിന് വലവൂരിലെ യമുനയുടെ വീട്ടിലാണ് സംഭവം ഉണ്ടായത്. സോമവല്ലിയുടെ കുടുംബസ്വത്തിന്റെ വിഹിതം സഹോദരി യമുനയ്ക്ക് നല്കുന്നതിലെ തര്ക്കങ്ങളാണ് ആക്രമണത്തിന് പിന്നിലെന്ന് പോലീസ് പറഞ്ഞു.
