കണ്ണൂർ: തളിപ്പറമ്പില് 12കാരിയെ പ്രകൃതിവിരുദ്ധ പീഡനത്തിനിരയാക്കിയ കേസില് 23-കാരിയായ യുവതി അറസ്റ്റില്. പുളിമ്പറമ്പ് സ്വദേശി സ്നേഹ മെർളിനെയാണ് പോലീസ് അറസ്റ്റ് ചെയ്തിരിക്കുന്നത്. ചൈല്ഡ് ലൈൻ അധികൃതർ നടത്തിയ കൗണ്സിലിങ്ങിലാണ് പീഡനവിവരം പുറത്തറിയുന്നത്. നിരവധി തവണ സ്നേഹ 12-കാരിയെ പീഡിപ്പിച്ചതായാണ് വെളിപ്പെടുത്തല്.
സ്കൂള് വിദ്യാർഥിനിയായ 12-കാരിയുടെ ബാഗില് നിന്ന് അധ്യാപിക മൊബൈല് ഫോണ് പിടിച്ചതോടെയാണ് പീഡന വിവരം പുറത്തറിയുന്നത്. മൊബൈല് ഫോണ് പരിശോധിച്ചതില് സംശയം തോന്നിയ അധ്യാപിക ഈ വിവരം കുട്ടിയുടെ രക്ഷിതാക്കളെ അറിയിക്കുകയായിരുന്നു. തുടർന്ന് അധ്യാപകരുടെ നിർദേശം അനുസരിച്ച് രക്ഷിതാക്കള് കുട്ടിയെ ചൈല്ഡ് ലൈനിന്റെ കൗണ്സിലിങ്ങിന് വിധേയമാക്കിയത്.
യുവതി പലതവണ ലൈംഗികമായി പീഡിപ്പിച്ചെന്ന് 12-കാരി കൗണ്സിലിങ്ങില് വെളിപ്പെടുത്തിയതിനെ തുടർന്ന് ഈ വിവരം പോലീസില് അറിയിക്കുകയും യുവതിയെ അറസ്റ്റ് ചെയ്യുകയുമായിരുന്നു. പ്രതിയായ സ്നേഹ മെർളിൻ പെണ്കുട്ടിക്ക് സ്വർണ ബ്രെയ്സ്ലെറ്റ് ഉള്പ്പെടെയുള്ള സമ്മാനങ്ങള് നല്കിയിരുന്നതായും വെളിപ്പെടുത്തലുകളുണ്ട്. ഫെബ്രുവരി മാസം നടത്തിയ പീഡനത്തിന്റെ അടിസ്ഥാനത്തിലാണ് യുവതി അറസ്റ്റിലായിരിക്കുന്നത്.12-കാരിയായ കുട്ടിക്ക് പുറമെ, 14 വസയുള്ള ആണ്കുട്ടിയേയും സ്നേഹ ലൈംഗികമായി പീഡിപ്പിച്ചിട്ടുണ്ടെന്നും റിപ്പോർട്ടുകളുണ്ട്. പീഡിപ്പിച്ചതിന്റെ വീഡിയോ ചിത്രീകരിക്കുകയും പീഡന വിവരം പുറത്തുപറയാതിരിക്കാൻ ഈ ദൃശ്യങ്ങള് കാട്ടി ആണ്കുട്ടിയെ ഭീഷണിപ്പെടുത്തിയെന്നുമാണ് വിവരം. സി.പി.ഐ. നേതാവിനെ ഹെല്മറ്റ് കൊണ്ട് ആക്രമിച്ചതിന് സ്നേഹ മെർളിനെതിരേ പോലീസ് കേസ് നിലവിലുണ്ട്.
