കൊച്ചി: ഇടപ്പള്ളി–അരൂർ ദേശീയ പാതയിലെ തൈക്കൂടത്ത് നിയന്ത്രണം വിട്ട മിനി ലോറി പാലത്തിന്റെ കൈവരിയിൽ ഇടിച്ചു കയറി. ഇന്ന് പുലർച്ചെ 5.30ഓടെയായിരുന്നു അപകടം. പാഴ്സൽ ലോറി കൈവരിക്ക് താഴെ മണിക്കൂറുകളോളം തൂങ്ങി കിടന്നു. ലോറിയിലുണ്ടായിരുന്ന ഡ്രൈവറടക്കം രണ്ട് പേർക്ക് സുരക്ഷിതമായി പുറത്തേക്കിറങ്ങാനായത് ആശ്വാസമായി.

വൈറ്റിലയിൽ നിന്ന് അരൂർ പോകുകയായിരുന്നു ലോറി. അപകടത്തിൽ ലോറിയുടെ മുൻ ടയറുകൾ കൈവരി തകർത്തു താഴേക്ക് വീഴുന്ന നിലയിലായിരുന്നു. രാവിലെ ഒൻപത് മണിയോടെയാണ് ക്രെയിൻ ഉപയോഗിച്ച് ലോറി നീക്കം ചെയ്തത്. നിലമ്പൂർയിൽ നിന്ന് ചേർത്തലയിലേക്ക് പോകുന്ന പാഴ്സൽ ലോറിയാണ് അപകടത്തിൽപ്പെട്ടത്.

അപകടത്തെ തുടർന്ന് പാലത്തിന് സമീപമുള്ള പൈപ്പ് ലൈൻ പൊട്ടി ചമ്പകര കനാൽയിൽ വീണു. ഇതോടെ കനാലിലൂടെയുള്ള ഗതാഗതവും തടസ്സപ്പെട്ടു. കനാലിലൂടെ പോയിരുന്ന ബോട്ടിൽ പൈപ്പ് ലൈൻ കുടുങ്ങിയതോടെ ബോട്ട് ജീവനക്കാർ ഏറെ നേരത്തെ പരിശ്രമത്തിന് ശേഷമാണ് അത് നീക്കം ചെയ്തത്.