നീണ്ട 20 വർഷത്തിന് ശേഷം വീണ്ടു സ്ക്രീനിലെത്താൻ ഒരുങ്ങുകയാണ് റോഷൻ ആൻഡ്രൂസ്- മോഹൻലാൽ- ശ്രീനിവാസൻ കൂട്ടുകെട്ടിലെത്തി വൻ ജനപ്രതി നേടിയ ‘ഉദയനാണ് താരം’.ചിത്രം കാൾട്ടൺ ഫിലിംസിൻ്റെ ബാനറിൽ സി.കരുണാകരനാണ് നിർമിച്ചിരിക്കുന്നത്. ഉദയനാണ് താരം
മലയാളത്തിലെ എക്കാലത്തെയും മികച്ച സിനിമയായിട്ടാണ് കണക്കാക്കപ്പെടുന്നത്. ഉദയഭാനുവിന്റെയും സരോജ്കുമാർ എന്ന രാജപ്പന്റെയും സിനിമയിലൂടെയുള്ള യാത്രയെ വളരെ മികച്ച രീതിയിലായിരുന്നു റോഷൻ ആൻഡ്രൂസ് അവതരിപ്പിച്ചത്. ചിത്രത്തിന്റെ തിരക്ക എഴുതിയിരിക്കുന്നത് ശ്രീനിവാസനാണ്.
സിനിമയിൽ മോഹൻലാലിന്റെ നായികയായി എത്തിയത് മീനയാണ്. മുകേഷ്, സലിംകുമാര്, ഇന്ദ്രൻസ്, ഭാവന എന്നിവരും പ്രധാന വേഷങ്ങളിൽ അഭിനയിച്ചു. ഛായാഗ്രാഹണം നിര്വഹിച്ചത് എസ്.കുമാറാണ്. ഗാനരചന കൈതപ്രം നിര്വഹിച്ചപ്പോള് പശ്ചാത്തല സംഗീതം ഔസേപ്പച്ചനും നിർവഹിച്ചു. കൂടാതെ ജഗതി ശ്രീകുമാർ അവതരിപ്പിച്ച പച്ചാളം ഭാസി എന്ന കഥാപാത്രവും ഏറെ പ്രേക്ഷക പ്രീതി നേടിയിരുന്നു. ഫെബ്രുവരിയിൽ ചിത്രം 4K ദൃശ്യ മികവോടെ തിയറ്ററുകളിൽ എത്തുമെന്ന് അണിയറ പ്രവർത്തകർ അറിയിച്ചു.
