കൊച്ചി: സംവിധായകനും നടനുമായ ബാലചന്ദ്രമേനോനെ സമൂഹ മാധ്യമങ്ങളിൽ അപകീർത്തിപ്പെടുത്തിയ കേസിൽ നടി മീനു മുനീര് അറസ്റ്റില്. ഇൻഫോപാർക്ക് സൈബർ പൊലീസാണ് നടിയെ അറസ്റ്റ് ചെയ്തത്. പരാതിയിൽ അറസ്റ്റിലായ നടിയെ പിന്നീട് ജാമ്യത്തില് വിടുകയും ചെയ്തു.
ദേ ഇങ്ങോട്ട് നോക്കിയേ എന്ന സിനിമയുടെ ഷൂട്ടിംഗിനിടെ ബാലചന്ദ്ര മേനോനില് നിന്ന് ലൈംഗിക അതിക്രമം നേരിടേണ്ടി വന്നിരുന്നുവെന്നായിരുന്നു ആരോപണം. ഹേമ കമ്മിറ്റി റിപ്പോര്ട്ട് പുറത്തുവിട്ട കാലയളവില് നടി നടൻമാരായ മുകേഷ്, ജയസൂര്യ എന്നിവര്ക്കെതിരെയും നടി മീനു മുനീര് പരാതി നല്കിയിരുന്നു.
