കുവൈത്ത് സിറ്റി: കുവൈത്തിന്റെ ആദ്യത്തെ A321നിയോ വിമാനം കൈമാറി എയർബസ്. കുവെെത്തിലെ ദേശീയ വിമാനക്കമ്പനിയാണ് കുവൈത്ത് എയർവേയ്സ്. കുവൈത്ത് എയർവേയ്സിൻ്റെ പരിവർത്തന തന്ത്രത്തിൻ്റെ ഭാഗമാണ് ഈ വിമാനം.
A321നിയോ വിമാനത്തിൽ രണ്ട് ക്ലാസുകളിലായി 166 സീറ്റുകളുള്ള വിശാലമായ കാബിൻ ഉണ്ട്. അതിൽ 16 ഫുൾ-ഫ്ലാറ്റ് ബിസിനസ് ക്ലാസ് സീറ്റുകളും 150 ഇക്കോണമി ക്ലാസ് സീറ്റുകളും ഉൾപ്പെടുന്നു. ശാന്തമായ അന്തരീക്ഷം, ഏറ്റവും പുതിയ ഇൻ-ഫ്ലൈറ്റ് എന്റർടൈൻമെൻ്റ്, കണക്റ്റിവിറ്റി സംവിധാനങ്ങൾ എന്നിവ ഇത് വാഗ്ദാനം ചെയ്യുന്നു.






