പാലക്കാട്: 15 വയസ്സുകാരിയെ താമസ സ്ഥലത്തെത്തിച്ച് ലൈംഗികാതിക്രമം നടത്തി ഗര്ഭിണിയാക്കിയ കേസില് പ്രതിക്ക് ഇരട്ട ജീവപര്യന്തവും 43 വര്ഷം കഠിനതടവും ശിക്ഷ വിധിച്ച് പോക്സോ കോടതി. എഴുവന്തല സ്വദേശി മണികണ്ഠനെയാണ് പട്ടാമ്പി പോക്സോ കോടതിയുടെ ചാര്ജ് ഉള്ള പാലക്കാട് പോക്സോ കോടതി ജഡ്ജി സഞ്ജു ശിക്ഷിച്ചത്.
ജീവപര്യന്തം ശിക്ഷക്ക് പുറമെ പ്രതിക്ക് 4 ലക്ഷം രൂപ പിഴയും വിധിച്ചിട്ടുണ്ട്. തടവ് ശിക്ഷ അനുഭവിച്ചതിന് ശേഷം ജീവപര്യന്തം ശിക്ഷ അനുഭവിക്കണമെന്നാണ് ശിക്ഷാ വിധിയിലെ വ്യവസ്ഥ. പിഴ ഒടുക്കിയില്ലെങ്കില് 3 വര്ഷം അധിക കഠിനതടവും പ്രതി അനുഭവിക്കണമെന്നും കോടതി വിധിച്ചു.
പിഴ സംഖ്യ ഇരയായ പെണ്കുട്ടിക്കു നല്കാനും ഇതു അധിക തുക അതിജീവിതക്ക് നല്കാനും കോടതി വിധിച്ചു. ചേര്പ്പുളശ്ശേരി പൊലീസ് റജിസ്റ്റര് ചെയ്ത കേസിലാണ് വിധി. കേസില് 20 സാക്ഷികളെയാണ് കോടതിയില് വിസ്തരിച്ചത്.
