പാലക്കാട്: അലനല്ലൂരിൽ പ്ലാസ്റ്റിക് ചാക്കുകൾ കൂട്ടിയിട്ട ഭാഗത്തുകൂടി കയറി റൂഫിന് മുകളിലെത്തിയ രണ്ടുവയസുകാരിയെ രക്ഷപ്പെടുത്തി. എസ്റ്റേറ്റുംപടി പ്രദേശത്താണ് സംഭവം. ഇന്നലെ വൈകുന്നേരമാണ് കുട്ടി അപകടത്തിൽപ്പെട്ടത്.
പ്രദേശത്തെ പ്ലാസ്റ്റിക് കമ്പനിയിലെ തൊഴിലാളികൾ ജോലി കഴിഞ്ഞ് മടങ്ങാൻ തയ്യാറെടുക്കുന്നതിനിടെയാണ് കുട്ടിയെ കാണാതായത്. തുടർന്ന് നടത്തിയ തിരച്ചിലിലാണ് മുറിക്ക് സമീപം കൂട്ടിയിട്ടിരുന്ന പ്ലാസ്റ്റിക് ചാക്കുകൾക്കിടയിലൂടെ കയറി കുട്ടി റൂഫിന് മുകളിലെത്തിയതായി കണ്ടെത്തിയത്.
സംഭവസമയത്ത് സ്ഥലത്തുണ്ടായിരുന്ന നിർമ്മാണ തൊഴിലാളിയായ ശിഹാബുദ്ദീൻ ഉടൻ ഇടപെട്ട് റൂഫിന് മുകളിൽ കയറി കുട്ടിയെ സുരക്ഷിതമായി താഴെയിറക്കി. ശിഹാബുദ്ദീന്റെ സമയോചിതമായ ഇടപെടലാണ് വലിയ അപകടം ഒഴിവാക്കിയത്. കുട്ടി സുരക്ഷിതയായതോടെ ആശ്വാസത്തിലാണ് നാട്ടുകാരും തൊഴിലാളികളും.
