കേരള സംസ്ഥാന ഉന്നതവിദ്യാഭ്യാസ കൗൺസിലിനു കീഴിൽ തുഞ്ചത്ത് എഴുത്തച്ഛൻ മലയാളം സർവ്വകലാശാലയോട് അഫിലിയേറ്റ് ചെയ്തു പ്രവർത്തിക്കുന്ന കേരള ലാംഗ്വേജ് നെറ്റ്വർക്ക് (KLN) ഇരിഞ്ഞാലക്കുട സബ് സെന്ററിൽ സ്പോക്കൺ ഹിന്ദി സർട്ടിഫിക്കറ്റ് കോഴ്സിന് അപേക്ഷ ക്ഷണിച്ചു.
മൂന്നു മാസത്തേതാണ് കോഴ്സ്. ആഴ്ചയിൽ അഞ്ചു മുതൽ ആറുവരെ മണിക്കൂർ ക്ലാസുണ്ടാവും. വിദ്യാർത്ഥികൾക്കും ജോലിചെയ്യുന്നവർക്കും സൗകര്യപ്രദമായ വിധത്തിലാവും സമയക്രമം. ദൈനംദിന ജീവിതത്തിലും തൊഴിൽരംഗത്തും പ്രായോഗികമായി ഹിന്ദി സംസാരിക്കാൻ സഹായിക്കുന്ന രീതിയിലാണ് കോഴ്സ് രൂപകല്പന ചെയ്തിരിക്കുന്നത്.
പ്ലസ് ടു വിജയിച്ചവരാകണം അപേക്ഷകർ. 3500 രൂപയാണ് കോഴ്സ് ഫീ. അപേക്ഷിക്കാൻ പ്രായപരിധി ഇല്ല. താൽപര്യമുള്ളവർ പേര്, പ്രായം, ജനനത്തിയതി, വിദ്യാഭ്യാസ യോഗ്യത എന്നീ വിവരങ്ങൾ സഹിതം 2026 ഫെബ്രുവരി 5-നകം അപേക്ഷിക്കണം. ഇമെയിൽ: klnirinj@gmail.com. ഫോൺ: 9388460098
ഇരിഞ്ഞാലക്കുട സബ് സെന്റർ, എസ് എൻ നഗറിലെ എസ് എൻ ഡി പി യൂണിയൻ ഓഫീസ് കെട്ടിടത്തിലാണ് കോഴ്സ് നടക്കുക.
