തിരുവനന്തപുരം: ആര്യനാട് പഞ്ചായത്ത് വാര്ഡ് മെമ്പര് ആത്മഹത്യ ചെയ്ത സംഭവത്തില് പഞ്ചായത്ത് പ്രസിഡന്റിനെതിരെ ആരോപണവുമായി ശ്രീജയുടെ ഭര്ത്താവ് ജയന്. പഞ്ചായത്ത് പ്രസിഡന്റ് ബിജു മോഹന് ആരോപണങ്ങള് ഉന്നയിച്ചതില് മനംനൊന്താണ് ശ്രീജ ആത്മഹത്യ ചെയ്തതെന്നാണ് കുടുംബത്തിന്റെ പരാതി. ഇന്നലെ ബിജു മോഹന്റെ നേതൃത്വത്തില് ശ്രീജയ്ക്കെതിരെ പ്രതിഷേധ യോഗം സിപിഎം സംഘടിപ്പിച്ചിരുന്നു. ശ്രീജ മൈക്രോ ഫിനാന്സുകളില് നിന്നെടുത്ത പണം തിരിച്ചുകൊടുക്കാത്തത് തട്ടിപ്പാണെന്നായിരുന്നു സിപിഎമ്മിന്റെ ആരോപണം. ഇതില് വലിയ മനോവിഷമത്തിലായിരുന്നു ശ്രീജയെന്ന് ഭര്ത്താവ് ജയന് പറയുന്നു.
ആര്യനാട് – കോട്ടയ്ക്കകം വാര്ഡ് മെമ്പറായ ശ്രീജയെ ഇന്ന് രാവിലെയാണ് മരിച്ചത്. വീട്ടില് ആസിഡ് ക്കുടിച്ച നിലയില് കണ്ടെത്തുകയായിരുന്നു. ഉടന് തന്നെ ആര്യനാട് പ്രാഥമിക ആരോഗ്യ കേന്ദ്രത്തില് എത്തിച്ചെങ്കിലും ജീവന് രക്ഷിക്കാനായില്ല. കടുത്ത സാമ്പത്തിക പ്രശ്നമാണ് ജീവനൊടുക്കുന്നതിലേക്ക് നയിച്ചതെന്നാണ് പ്രാഥമിക നിഗമനം. ശ്രീജ മുന്പും ആത്മഹത്യയ്ക്ക് ശ്രമിച്ചിട്ടുള്ളതായാണ് വിവരങ്ങള്. മൃതദേഹം ആര്യനാട് ആശുപത്രിയില് സൂക്ഷിച്ചിരിക്കുകയാണ്. അതേസമയം, ശ്രീജയുടെ ഇന്ക്വസ്റ്റ് നടപടികള് തുടങ്ങാന് സമ്മതിക്കാതെ കോണ്ഗ്രസ് പ്രവര്ത്തകര് പ്രതിഷേധം തുടങ്ങിയിട്ടുണ്ട്. ആര്യനാട് പഞ്ചായത്ത് പ്രസിഡണ്ടിനും മറ്റ് സിപിഎം പ്രവര്ത്തകര്ക്കുമെതിരെ എഫ്ഐആര് ഇടണം എന്ന് ആവശ്യപ്പെട്ടാണ് കോണ്ഗ്രസ് പ്രവര്ത്തകരുടെ പ്രതിഷേധം.
