തിരുവനന്തപുരം: തിരുവനന്തപുരം, പാലക്കാട് ഡിവിഷനുകളിൽ ട്രാക്ക് അറ്റകുറ്റപ്പണികൾ നടക്കുന്നതിനാൽ വിവിധ ട്രെയിൻ സർവീസുകളിൽ നിയന്ത്രണം ഏർപ്പെടുത്തിയതായി റെയിൽവേ അറിയിച്ചു. കണ്ണൂർ-എറണാകുളം ഇന്റർസിറ്റി എക്സ്പ്രസ് ചില ദിവസങ്ങളിൽ ഭാഗികമായി റദ്ദാക്കും. മംഗളൂരു സെൻട്രൽ-തിരുവനന്തപുരം സെൻട്രൽ എക്സ്പ്രസ് ഉൾപ്പെടെയുള്ള ചില ട്രെയിനുകൾ വൈകിയോടുകയും ചെയ്യും.
കണ്ണൂർ-എറണാകുളം ഇന്റർസിറ്റി ഭാഗികമായി റദ്ദാക്കി
കണ്ണൂർ-എറണാകുളം ഇന്റർസിറ്റി എക്സ്പ്രസ് (16306) ഒക്ടോബർ 3, 16, 17, 18, 23, 24, 25, 27, 30, 31, നവംബർ 1 തീയതികളിൽ ഭാഗികമായി റദ്ദാക്കും. ഈ ദിവസങ്ങളിൽ തൃശ്ശൂരിൽ സർവീസ് അവസാനിപ്പിക്കും.
വൈകിയോടുന്ന ട്രെയിനുകൾ
മംഗളൂരു സെൻട്രൽ-തിരുവനന്തപുരം സെൻട്രൽ എക്സ്പ്രസ് (16348) ഒക്ടോബർ 3, 16, 17, 18, 23, 24, 25, 27, 30, 31, നവംബർ 1 തീയതികളിൽ ഏകദേശം ഒരു മണിക്കൂർ വൈകിയോടും.
ആലപ്പുഴ-കണ്ണൂർ എക്സിക്യൂട്ടീവ് എക്സ്പ്രസ് (16307) നവംബർ 4ന് ഏകദേശം 30 മിനിറ്റ് വൈകും.
തിരുവനന്തപുരം സെൻട്രൽ-ഹസ്രത് നിസാമുദ്ദീൻ പ്രതിവാര സൂപ്പർഫാസ്റ്റ് എക്സ്പ്രസ് (22633) ഒക്ടോബർ 21ന് ഏകദേശം 30 മിനിറ്റ് വൈകിയോടും.
പാലക്കാട്-തിരുച്ചിറപ്പള്ളി സർവീസിലും നിയന്ത്രണം
സേലം ഡിവിഷനിലെ ട്രാക്ക് അറ്റകുറ്റപ്പണികളുടെ ഭാഗമായി ചില ട്രെയിൻ സർവീസുകളിലും നിയന്ത്രണം ഏർപ്പെടുത്തിയിട്ടുണ്ട്.
പാലക്കാട് ടൗൺ-തിരുച്ചിറപ്പള്ളി ജങ്ഷൻ എക്സ്പ്രസ് (16844) ഒക്ടോബർ 24, 27, 29, 31, നവംബർ 3 തീയതികളിൽ ഭാഗികമായി റദ്ദാക്കും. ഈ ദിവസങ്ങളിൽ കൊടുമുടിയിൽ സർവീസ് അവസാനിപ്പിക്കും. അറ്റകുറ്റപ്പണികൾക്ക് ശേഷം കൊടുമുടിയിൽ നിന്ന് തിരുച്ചിറപ്പള്ളിയിലേക്ക് റിസർവ് ചെയ്യാത്ത പ്രത്യേക ട്രെയിൻ സർവീസ് നടത്തുമെന്നും റെയിൽവേ അറിയിച്ചു.
ഷൊർണൂർ-കോയമ്പത്തൂർ ജങ്ഷൻ പാസഞ്ചർ (56604) ഒക്ടോബർ 5, 6, 10, 11, 13, 17 തീയതികളിൽ ഭാഗികമായി റദ്ദാക്കും. ഈ ദിവസങ്ങളിൽ പോത്തന്നൂരിൽ സർവീസ് അവസാനിപ്പിക്കും.
