റായ്പൂര്:ഛത്തീസ്ഗഡില് ക്രൈസ്തവ വിഭാഗത്തിനു നേരെ വീണ്ടും ആക്രണം. ദുര്ഗ് ജയിലിനു സമീപം കഴിഞ്ഞ 30 വര്ഷമായി പ്രവര്ത്തിച്ചുവരുന്ന ആരാധനാലയത്തിന് നേരെയാണ് ഇന്ന് രാവിലെ ആക്രമണം ഉണ്ടായത്. ഞായറാഴ്ച നടക്കുന്ന പ്രാര്ത്ഥന ശുശ്രൂഷക്കിടെ ഒരു കൂട്ടം ബജ്റംഗ്ദള് പ്രവര്ത്തകര് എത്തി മതപരിവര്ത്തനം അടക്കമുള്ള കാര്യങ്ങള് ആരോപിച്ചുകൊണ്ട് ആക്രമണം അഴിച്ചുവിടുകയും മുദ്രാവാക്യം വിളിക്കുകയുമായിരുന്നു. പാസ്റ്ററിനെ ഇരുമ്പ് ദണ്ഡ് കൊണ്ട് അടിച്ചു. ജോണ് ജോനാഥന് എന്ന പാസ്റ്റര്ക്കാണ് ആക്രമണത്തില് ഗുരുതരമായി പരുക്കേറ്റത്. അദ്ദേഹത്തിന്റെ കൈ ആക്രമണത്തില് ഒടിഞ്ഞു. സംഭവത്തിനെതിരെ കടുത്ത പ്രതിഷേധമാണ് ഉയരുന്നത്. പൊലീസിന്റെ സാന്നിധ്യത്തില് തന്നെയാണ് ആക്രമണത്തെ ഉണ്ടായത്. ആരാധനാലയത്തിലെത്തിയ മറ്റ് വിശ്വാസികള്ക്കും ആകാരമാണത്തില് പരുക്കേറ്റിട്ടുണ്ട്.സംഭവത്തില് പൊലീസ് ഇതുവരെ കേസ് രജിസ്റ്റര് ചെയ്തിട്ടില്ല.
