ബാഴ്സലോണ: യുവേഫ ചാമ്പ്യൻസ് ലീഗ് ഫുട്ബോളിൽ വമ്പൻ വിജയവുമായി സ്പാനിഷ് വമ്പൻമാരായ ബാഴ്സലോണ. സ്വന്തം തട്ടകത്തിൽ നടന്ന രണ്ടാംപാദ പ്രീ ക്വാർട്ടറിൽ ന്യൂകാസിൽ യുണൈറ്റഡിനെ രണ്ടിനെതിരെ ഏഴ് ഗോളുകൾക്ക് പരാജയപ്പെടുത്തി ബാഴ്സ ക്വാർട്ടറിലെത്തി. ലണ്ടനിൽ നടന്ന ആദ്യപാദം 1–1നാണ് അവസാനിച്ചത്. ഇരുപാദങ്ങളിലുമായി 8-3 എന്ന സ്കോറിലാണ് ബാഴ്സ വിജയിച്ചത്.
സമീപകാലത്തെ ചാമ്പ്യൻസ് ലീഗിലെ മങ്ങിയ ഫോമിന്റെ ക്ഷീണം ഇതോടെ ബാഴ്സ തീർത്തു. കളിയുടെ ആറാം മിനിറ്റുമുതൽ ഗോളടിച്ചു തുടങ്ങിയ ബാഴ്സ ഉടനീളം ആധിപത്യം പുലർത്തി. ബാഴ്സയ്ക്കായി റഫീന്യയും (6, 72) ലെവൻഡോവ്സ്കി (56, 61)യും ഇരട്ടഗോൾ നേടി തിളങ്ങി. മാർക് ബർണാൽ (18), ലമീൻ യമാൽ (45+7 പെനാൽറ്റി), ഫെർമിൻ ലോപ്പസ് (51), എന്നിവരും വല കുലുക്കി. എലാങ്കയുടെ വകയായിരുന്നു ന്യൂകാസിലിന്റെ ആശ്വാസഗോളുകൾ.
