കോഴിക്കോട് : കോഴിക്കോട് ഹാർബർ റോഡ് ജംങ്ഷനിലെ ലോഡ്ജിൽ കഴുത്തറുത്ത നിലയിൽ മൃതദേഹം കണ്ടെത്തി. കൊല്ലം സ്വദേശിയായ സോളമൻ എന്നയാളുടെ മൃതദേഹമാണ് കണ്ടെത്തിയത്. അതേസമയം ഇയാളുടെ മൃതദേഹം കണ്ടെത്തിയ മുറി പുറത്തുനിന്ന് പൂട്ടിയ നിലയിലായിരുന്നു. ലോഡ്ജില് താമസിച്ചിരുന്ന സോളമന് ഇന്നലെ രാത്രിയായിരുന്നു ഒപ്പം ജോലി ചെയ്തിരുന്ന കൊല്ലം സ്വദേശിയായ അനീഷിന്റെ കൂടെ ലോഡ്ജ് മുറിയിൽ എത്തിയതായാണ് വിവരം.
അതേസമയം പുറത്ത് നിന്ന് പൂട്ടിയ മുറിൽ നിന്ന് ചോര കണ്ടതിനെ തുടർന്നാണ് മുറി തുറന്നത് . അപ്പോഴാണ് മൃതദേഹം കണ്ടത്. സോളമന്റെ മരണം കൊലപാതകമാണെന്നാണ് പോലീസിന്റെ പ്രാഥമിക നിഗമനം .അതേസമയം കഴിഞ്ഞ രാത്രി തന്നെ അനീഷ് ലോഡ്ജില്നിന്നു പോയതായി ഉടമ പൊലീസിനോട് പറഞ്ഞു. സംഭവത്തിൽ ബേപ്പൂർ പോലീസ് അന്വേഷണം തുടങ്ങിയിരിക്കുകയാണ്.
