ന്യൂഡൽഹി: ഡൽഹിയിൽ വീണ്ടും സ്കൂളുകള്ക്ക് ബോംബ് ഭീഷണി. ദ്വാരകയിലെ സെന്റ് തോമസ്, വസന്ത് വാലി സ്കൂളുകള്ക്കാണ് ഇന്ന് ഭീഷണി ഉണ്ടായത്. ഇ മെയില് മുഖേനയാണ് ഭീഷണി സന്ദേശം എത്തിയത്. അസ്വഭാവികമായി ഒന്നും കണ്ടെത്താന് കഴിഞ്ഞില്ലെന്ന് അഗ്നിശമന വിഭാഗം. സെന്റ് തോമസ് സ്കൂളിന് ഇന്നലെയും ഭീഷണി ലഭിച്ചിരുന്നു.
വിദ്യാഭ്യാസ സ്ഥാപങ്ങള്ക്ക് നേരെ ഇന്നലേയും ഭീഷണി ഉണ്ടായിരുന്നു. ദ്വാരകയിലെ തോമസ് സ്കൂള്, ഡൽഹി യൂണിവേഴ്സിറ്റി സെന്റ് സ്റ്റീഫന്സ് കോളേജിനുമാണ് ഇന്നലെ ബോംബ് ഭീഷണി ഉണ്ടായത്. ഇമെയില് വഴിയാണ് സന്ദേശം എത്തിയത്. സ്ഥാപനങ്ങളിൽ നിന്ന് വിദ്യാർഥികളെ ഒഴിപ്പിച്ചു. സംഭവത്തിൽ പൊലീസ് അന്വേഷണം നടത്തി. സംശയാസ്പദമായി ഒന്നും കണ്ടെത്താനായില്ലെന്നും പൊലീസ് അറിയിച്ചു.
