ആലപ്പുഴ: ആലപ്പുഴ കൈനകരിയിലെ അനിത വധക്കേസില് ഒന്നാം പ്രതിക്ക് വധശിക്ഷ. നിലമ്പൂര് സ്വദേശി പ്രബീഷിനാണ് കോടതി വധശിക്ഷ വിധിച്ചത്.
ആലപ്പുഴ അഡീഷണല് ജില്ലാ സെഷന്സ് കോടതി മൂന്ന് ആണ് വിധി പറഞ്ഞത്. കൈനകരിയില് ഗര്ഭിണിയായ യുവതിയെ കൊന്നു കായലില് തള്ളിയ് കേസിലാണ് വിധി.
ആലപ്പുഴ പുന്നപ്ര സ്വദേശിനിയായ അനിതയുടെ മൃതദേഹം 2021 ജൂലൈ പത്താം തീയതിയാണ് പൂക്കൈത ആറില് നിന്നു കണ്ടെത്തിയത്.
കേസില് അനിതയുമായി അടുപ്പമുണ്ടായിരുന്ന മലപ്പുറം നിലമ്പൂര് സ്വദേശി പ്രബീഷ്, ഇയാളുടെ സുഹൃത്ത് കൈനകരി സ്വദേശി രജനി എന്നിവരാണ് പ്രതികള്.
വിവാഹിതനായ പ്രബീഷ് ഒരേ സമയം വിവാഹിതരായ അനിതയും രജനിയുമായി അടുപ്പത്തിലായിരുന്നു. അനിത ഗര്ഭണിയായതിന് പിന്നാലെയായിരുന്നു കൊലപാതകം.
പാലക്കാട് ആലത്തൂരിലെ ഒരു ഫാമില് ജോലി ചെയ്യുകയായിരുന്ന അനിതയെ ജൂലൈ ഒന്പതാം തീയതി ആലപ്പുഴയിലേക്ക് വിളിച്ചു വരുത്തിയായിരുന്നു കൊലപാതകം. കേസില് നാലുവര്ഷത്തിന് ശേഷമാണ് വിധി വരുന്നത്.
