തിരുവനന്തപുരം: വധശ്രമക്കേസിലും അറസ്റ്റ് ചെയ്യാനെത്തിയ പൊലീസിനെ ആക്രമിച്ച കേസിലും വാഴോട്ടുകോണം കൗൺസിലർ ആർ. സുഗതന്റെ ജാമ്യാപേക്ഷ നെടുമങ്ങാട് മജിസ്ട്രേറ്റ് കോടതി–2 തള്ളി. കഴിഞ്ഞ മാസമാണ് വട്ടിയൂർക്കാവിലെ വീട്ടിൽ നിന്ന് സുഗതനെ പൊലീസ് അറസ്റ്റ് ചെയ്തത്. വീടിന് മുന്നിൽ സംഘർഷാവസ്ഥ നിലനിന്ന സാഹചര്യത്തിൽ മുന്നറിയിപ്പായി പൊലീസ് വെടിയുതിർക്കുകയും തുടർന്ന് പ്രതിയെ കസ്റ്റഡിയിലെടുക്കുകയും ചെയ്തിരുന്നു. വട്ടിയൂർക്കാവിന് സമീപത്തെ ഒരു ക്ഷേത്രോത്സവത്തിനിടെ ഉണ്ടായ സംഘർഷത്തിൽ ഒരാളെ വധിക്കാൻ ശ്രമിച്ച കേസിലെ പ്രതിയാണ് സുഗതൻ. ഈ കേസിൽ ഹൈക്കോടതി നേരത്തേ ജാമ്യം നിഷേധിച്ചിരുന്നു. […]