കോഴിക്കോട്: കടലുണ്ടി പഞ്ചായത്തിൽ അങ്കണവാടി കുട്ടികളെ ഉപയോഗിച്ച് തെരഞ്ഞെടുപ്പ് പ്രചാരണം നടത്തിയെന്നാരോപിച്ച് യുഡിഎഫ് സ്ഥാനാർഥികൾക്കെതിരെ പരാതി. കടലുണ്ടി പഞ്ചായത്തിലെ യുഡിഎഫ് സ്ഥാനാർഥികളായ ടി.കെ. റഹ്മത്തുള്ള (കോഴിക്കോട് ബ്ലോക്ക് പഞ്ചായത്ത് 14-ാം ഡിവിഷൻ), ഹക്കീമ മാളിയേക്കൽ (കടലുണ്ടി പഞ്ചായത്ത് 21-ാം വാർഡ്) എന്നിവർക്കെതിരെയാണ് പെരുമാറ്റച്ചട്ട ലംഘനം ചൂണ്ടിക്കാട്ടി എൽഡിഎഫ് രംഗത്തെത്തിയത്. ​21-ാം വാർഡിലെ അങ്കണവാടിയിലെത്തി കുട്ടികൾക്കും ജീവനക്കാർക്കുമൊപ്പം എടുത്ത ഫോട്ടോകളിൽ തെരഞ്ഞെടുപ്പ് ചിഹ്നം ഉൾപ്പെടുത്തി പ്രചരിപ്പിച്ചു എന്നതാണ് പരാതിക്ക് അടിസ്ഥാനം. സ്ഥാനാർഥികൾ സ്വന്തം മൊബൈൽ ഫോണിലൂടെ പകർത്തിയ ഈ […]