തലശ്ശേരി: പുതിയ ബസ് സ്റ്റാൻഡിലെ ഇരിപ്പിടത്തെ ചൊല്ലിയുണ്ടായ തർക്കം സംഘർഷത്തിലേക്ക്. പാനൂർ കുരാറ സ്വദേശി കുനിയിൽ വീട്ടിൽ പി.പി. രാജേഷിനാണ് തലക്ക് ഗുരുതര പരിക്കേറ്റത്. രാജേഷിനെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിട്ടുണ്ട്. പാസഞ്ചർ ലോബിയിലെ ഇരിപ്പിടത്തിൽ ഇരിക്കാനായി സമീപ സീറ്റിലിരുന്നയാളെ അല്പം മാറിനിൽക്കാൻ ആവശ്യപ്പെട്ടത് വാക്കുതർക്കത്തിലേക്കും തുടർന്ന് മർദ്ദനത്തിലേക്കുമാണ് മാറിയതെന്ന് രാജേഷ് നൽകിയ പരാതിയിൽ പറയുന്നു. ബലമായി പിടിച്ചു നിലത്തിട്ടതോടെയാണ് തലയ്ക്ക് പരിക്ക് പറ്റിയത്.

കണ്ണൂര്‍: കണ്ണൂര്‍ കരിവെള്ളൂരില്‍ കോണ്‍ഗ്രസ് നേതാവ് രാജിവെച്ചു. മണ്ഡലം വൈസ് പ്രസിഡന്റ് സന്തോഷ് കുണിയനാണ് രാജിവച്ചത്. കോണ്‍ഗ്രസ് മണ്ഡലം പ്രസിഡന്റ്, ബ്ലോക്ക് സെക്രട്ടറി സ്ഥാനങ്ങളും വഹിച്ചിട്ടുണ്ട്. കോണ്‍ഗ്രസിന്റെ ബിജെപി ബന്ധം ആരോപിച്ചാണ് സന്തോഷ് കുണിയന്‍ രാജിവെച്ചിരിക്കുന്നത്. വാര്‍ത്താസമ്മേളനം വിളിച്ചുചേര്‍ത്താണ് സന്തോഷ് കുണിയന്‍ രാജി പ്രഖ്യാപിച്ചത്. കരിവെള്ളൂരില്‍ കോണ്‍ഗ്രസ്-ബിജെപി അന്തര്‍ധാര സജീവമാണെന്ന് സന്തോഷ് കുണിയന്‍ വാര്‍ത്താസമ്മേളനത്തില്‍ പറഞ്ഞു. കരിവെള്ളൂരില്‍ സ്ഥാനാര്‍ത്ഥിയെ നിര്‍ത്തിയത് ബിജെപിക്ക് വേണ്ടിയാണെന്നും സന്തോഷ് കുണിയന്‍ ആരോപിച്ചു. ബിജെപി സ്ഥാനാര്‍ത്ഥിയെ ജയിപ്പിക്കുന്നത് ലക്ഷ്യംവെച്ചാണ് സ്ഥാനാര്‍ത്ഥി പ്രഖ്യാപനം. ബിജെപിയുമായി […]

കൂത്തുപറമ്പ്: മുന്നണി രാഷ്ട്രീയത്തിൽ ദമ്പതികൾ ഒരുമിച്ച് തിരഞ്ഞെടുപ്പ് രംഗത്ത്. കൂത്തുപറമ്പ് നഗരസഭയിൽ എൽഡിഎഫ് സ്ഥാനാർത്ഥികളായി പന്ന്യോറയിലെ മാണിക്യത്തിലുള്ള വി. രാജീവനും പി. ഷൈജയും ജനവിധി തേടുന്നു. കുടുംബജീവിതത്തെപ്പോലെ തന്നെയാണിവർ പൊതുജനപ്രവർത്തനത്തെയും കാണുന്നത്. പന്ന്യാറ വാർഡിൽ നിന്നാണ് വി. രാജീവൻ മത്സരിക്കുന്നത്. മുൻ നഗരസഭാ കൗൺസിലറും സ്ഥിരം സമിതി അധ്യക്ഷയുമായ പി. ഷൈജയ്ക്കു പ്രദേശത്ത് മികച്ച ജനപിന്തുണയുണ്ട്. പ്രവർത്തന മികവിന്റെ അടിസ്ഥാനത്തിൽ നഗരസഭാ കുടുംബശ്രീ ചെയർപേഴ്സൺ ആയിരുന്ന ഷൈജയുടെ നേതൃത്വത്തിൽ സിഡിഎസിന് ഐഎസ്‌ഒ അംഗീകാരം നേടാനും കഴിഞ്ഞിരുന്നു. നഗരസഭാപ്രവർത്തനത്തിലും […]

കണ്ണൂർ: ജില്ലാ സ്കൂൾ കലോത്സവത്തിന്റെ മുന്നോടിയായി കണ്ണൂർ നഗരത്തിൽ ആരോഗ്യ വകുപ്പ്, ഭക്ഷ്യസുരക്ഷാ വകുപ്പ്, കണ്ണൂർ കോർപ്പറേഷൻ ആരോഗ്യവിഭാഗം എന്നിവയുടെ നേതൃത്വത്തിൽ വ്യാപകമായ സംയുക്ത പരിശോധന നടത്തി. പ്രധാന വേദികൾ, പാചകശാലകൾ, സ്റ്റോർറൂമുകൾ, കുടിവെള്ള സൗകര്യങ്ങൾ തുടങ്ങിയ മേഖലകളിലാകെ ആരോഗ്യ സുരക്ഷാ മാനദണ്ഡങ്ങൾ പാലിക്കുന്നുണ്ടോയെന്ന് വിലയിരുത്തുകയായിരുന്നു പരിശോധനയുടെ ലക്ഷ്യം. കണ്ണൂർ ടൗൺ ഭാഗത്ത് ഭക്ഷ്യ-പാനീയ വിതരണം നടത്തുന്ന 11 സ്ഥാപനങ്ങൾ പരിശോധിക്കപ്പെട്ടതിൽ പഴകിയ മിൽക്ക്, ഐസ്‌ക്രീം, ഫലവർഗങ്ങൾ എന്നിവ കണ്ടെത്തി. ജീവനക്കാർക്ക് ഹെൽത്ത് കാർഡ് ഇല്ലാത്തതും ജലഗുണനിലവാര […]