കോട്ടയം: ഈ വർഷത്തെ ശബരമില തീർഥാടനം സമാപിച്ചിട്ടും എരുമേലിയിൽ ശുചീകരണം നടത്തുന്ന വിശുദ്ധിസേനാംഗങ്ങൾക്ക് തിങ്കളാഴ്ച വൈകീട്ടുവരെയും ചെയ്ത പണിയുടെ കൂലി നൽകിയില്ല. പ്രതിഷേധവുമായി തൊഴിലാളികൾ എരുമേലി ധർമശാസ്താ ക്ഷേത്രഗോപുരത്തിന് മുമ്പിൽ വെയിലത്തിരുന്ന് പ്രതിഷേധിച്ചു. രാവിലെ പതിനൊന്നിന് തുടങ്ങിയ പ്രതിഷേധം വൈകുംവരെ നീണ്ടു. മുൻവർഷങ്ങളിലും പണം കിട്ടാൻ വൈകുന്ന സ്ഥിതിയായിരുന്നു. നാൽപതു വർഷത്തോളമായി മണ്ഡലകാലം തുടക്കംമുതൽ മകരവിളക്ക് തീർഥാടനം വരെ നൂറ്റിയിരുപത്തിയഞ്ചു പേരാണ് മധുര അയ്യപ്പ സേവാസംഘം വഴി വിശുദ്ധിസേനയെന്ന പേരിൽ എരുമേലിയിൽ ശുചീകരണത്തിനെത്തുന്നത്. ഡിസംബർ പതിനേഴു മുതലുള്ള വേതനമാണ് […]

കോട്ടയ: കൊല്ലം – തേനി ദേശീയപാതയും ചങ്ങനാശ്ശേരി-വാഴൂർ റോഡും ചേരുന്ന പ്രധാന ജങ്ഷനായ പുളിക്കൽകവലയിൽ ബസ് കാത്തിരിപ്പുകേന്ദ്രങ്ങളില്ലാത്തതിനാൽ യാത്രക്കാർ ബുദ്ധിമുട്ടുന്നു. ഇവിടെ മൂന്ന് ബസ്‌സ്റ്റോപ്പുകളാണ് ഉള്ളത്. ചങ്ങനാശ്ശേരി ഭാഗത്തേക്ക് പോകുന്ന യാത്രക്കാർക്ക് വേണ്ടി ഡിവൈഎഫ്‌ഐ നിർമിച്ച ഒരു ചെറിയ കാത്തിരിപ്പുകേന്ദ്രം മാത്രമാണ് ഇവിടെ ഉള്ളത്. ഇവിടെ കഷ്ടിച്ച് നാല് പേർക്ക് മാത്രമേ ഇതിൽ ഇരിക്കാൻ കഴിയു ഈ സമയം മറ്റ് യാത്രക്കാർ വെയിലത്തും മഴയത്തും മരച്ചുവട്ടിലും കടത്തിണ്ണകളിലുമാണ് ബസ് കാത്തുനിൽക്കുന്നത്. രാവിലെയും വൈകീട്ടും ഇവിടെ യാത്രക്കാരുടെ തിരക്കാണ്. […]

കോട്ടയം: മാന്തുരുത്തിയിൽ പൈപ്പിടാൻ വേണ്ടി കവലയിലെ നല്ല റോഡുകൾ കുത്തിപ്പൊളിച്ചു. ടാറിങ് അവശിഷ്ടങ്ങളും മണ്ണും വലിച്ചിട്ട് താത്കാലികമായി മൂടിയിട്ട് മാസങ്ങളായി. ഇതേ തുടർന്ന് നിരവധി പേർ അപകടത്തിൽപ്പെട്ടു. മാന്തുരുത്തി കവലയിൽ വാഴൂർ റോഡിനോട് ചേർന്നും, നെടുംകുന്നം -മാന്തുരുത്തി റോഡിന്റെ തുടക്കഭാഗവുമാണ് കുത്തിപ്പൊളിച്ചത്. ബസ്സ്‌റ്റോപ്പിനോട് ചേർന്നുള്ള ഭാഗം പത്തടിയോളം നീളത്തിലാണ് ഇളകി കിടക്കുന്നത്. കറുകച്ചാൽ ഭാഗത്തുനിന്നുവരുന്ന ഇരുചക്രവാഹന യാത്രികരാണ് പെട്ടെന്ന് കുഴികളിലേക്ക് ചാടുന്നത്. അപകടങ്ങളുണ്ടായപ്പോൾ നാട്ടുകാർ കുഴികളിൽ മണ്ണും പച്ചിലകളിട്ടും സൂചനനൽകിയിരുന്നു. ഇപ്പോൾ പൂർണമായി തകർന്നുകിടക്കുകയാണ്. കഴിഞ്ഞ ദിവസം […]