പത്തനംതിട്ട: മകരവിളക്ക് മഹോത്സവം പ്രമാണിച്ച് ശബരിമലയിൽ നട തുറന്നു. മേൽശാന്തി അരുൺ കുമാർ നമ്പൂതിരി നട തുറന്ന് ദീപം തെളിയിച്ചു. ആഴിയിൽ അഗ്നി പകർന്നു. പിന്നീട് ദർശനത്തിനായി ഭക്തരെ സന്നിധാനത്ത് പ്രവേശിപ്പിച്ച് തുടങ്ങി. തിരക്ക് കണക്കിലെടുത്ത് വൈകുന്നേരം നാല് മണിക്ക് തന്നെ നട തുറന്നു ക്കുകയായിരുന്നു. മകരവിളക്കിനെ തുടർന്ന് തിരക്ക് കണക്കിലെടുത്തുള്ള ക്രമീകരണങ്ങൾ ഒരുക്കിയതായി ദേവസ്വം ബോർഡും പോലീസും അറിയിച്ചു. ജനുവരി 14നാണ് മകരവിളക്ക്.

തിരുവനന്തപുരം: പുതുവത്സരാഘോഷ വേളയില്‍ ക്രമസമാധാനം ഉറപ്പാക്കുന്നതിന് വേണ്ടി കര്‍ശന നടപടികള്‍ സ്വീകരിച്ച് സംസ്ഥാന പൊലീസ് മേധാവി. സംസ്ഥാനത്തെ എല്ലാ ജില്ലാ പൊലീസ് മേധാവിമാര്‍ക്കും ഇതിനെ തുടർന്ന് നിര്‍ദേശം നല്‍കിയിട്ടുണ്ട്. മാളുകള്‍, ഷോപ്പിംഗ് കേന്ദ്രങ്ങള്‍, റെയിൽവെ സ്റ്റേഷനുകള്‍, വിമാനത്താവളങ്ങൾ, പ്രധാന തെരുവുകള്‍, ബസ് സ്റ്റാന്‍ഡുകൾ എന്നിവിടങ്ങളിൽ പൊലീസ് പട്രോളിങ്ങും നിരീക്ഷണവും കർശനമായി ഏർപ്പെടുത്തും. കൂടാതെ പുതുവത്സരാഘോഷം നടക്കുന്ന വിവിധ ജില്ലകളിലെ പ്രധാന കേന്ദ്രങ്ങള്‍ കേന്ദ്രീകരിച്ചും പരിശോധനകള്‍ കർഷനമാക്കുന്നതിനു സ്പെഷ്യല്‍ ടീമുകള്‍ രൂപീകരിക്കാനും നിര്‍ദേശിച്ചിട്ടുണ്ട്. കൂടുതലായി ആളുകള്‍ കൂടുന്ന സ്ഥലങ്ങളിലും […]