പത്തനംതിട്ട: ശബരിമല തീർത്ഥാടനത്തിന് എത്തുന്ന കുട്ടികളുടെ എണ്ണത്തിൽ വൻ വർധന. ക്രിസ്മസ് അവധിക്കാലം ആയതിനാൽ സന്നിധാനത്തെ എത്തുന്ന കുഞ്ഞ് അയ്യപ്പന്മാരും മാളികപ്പുറങ്ങളും നിരവധിയാണെന്ന് ദേവസ്വം ബോർഡ് വ്യക്തമാക്കി. കുട്ടികൾക്കായി പ്രത്യേക വരികളും ഉദ്യോഗസ്ഥരുടെ സഹായവും കുട്ടികളുമായി സന്നിധാനത്ത് എത്തുന്നവരുടെ സുഗമമായ ദർശനത്തിന് വഴിയൊരുക്കുന്നു. പതിനെട്ടാം പടി കയറുന്നതിനിടെ കൂട്ടം തെറ്റുന്ന കുട്ടികളെ പോലീസ് ഉദ്യോഗസ്ഥർ രക്ഷിതാക്കളെ ഏൽപ്പിക്കുന്നതും സുരക്ഷിതമായ സാഹചര്യങ്ങൾക്ക് കാരണമാണ്. ഡിസംബർ 18 മുതൽ 22 വരെ ഇരുപത്തിയാറായിരത്തിലേറെ കുട്ടികൾ സന്നിധാനത്ത് എത്തിയെന്നാണ് പോലീസിന്റെ ഏകദേശ […]