കോഴിക്കോട്: തീവണ്ടിയാത്രയ്ക്കിടെ ഒറ്റപ്പെട്ടുപോയ രണ്ടുകുട്ടികളെ റെയിൽവേ പ്രൊട്ടക്ഷൻ ഫോഴ്‌സ് (ആർ.പി.എഫ്.) ഉദ്യോഗസ്ഥന്റെ സമയോചിതമായ ഇടപെടലിലൂടെ സുരക്ഷിതമായി കണ്ടെത്തി മാതാവിന് കൈമാറി. ആർ.പി.എഫ്. ഇന്റലിജൻസ് ഹെഡ് കോൺസ്റ്റബിൾ വി.കെ. വിനേഷാണ് ഡ്യൂട്ടിക്കിടെ നടത്തിയ പരിശോധനയിൽ 12-ഉം 5-ഉം വയസ്സുള്ള ആൺകുട്ടികളെ കണ്ടെത്തിയത്. കുട്ടികൾ തീവണ്ടിയിൽ ഒറ്റപ്പെട്ടുപോയെന്ന ചൈൽഡ്‌ലൈൻ അധികൃതരുടെ വിവരത്തെ തുടർന്ന് നടത്തിയ പരിശോധനയിലാണ് നടപടി. വെള്ളിയാഴ്ച രാവിലെ 10.35-ന് കോഴിക്കോട് റെയിൽവേ സ്റ്റേഷനിൽ എത്തിയ തൃശ്ശൂർ–കണ്ണൂർ പാസഞ്ചർ ട്രെയിനിലായിരുന്നു സംഭവം. കണ്ണൂർ കതിരൂർ സ്വദേശിനിയുടെ മക്കളാണ് ഒറ്റപ്പെട്ടത്. […]