കോഴിക്കോട്: വിദേശത്തേക്ക് കയറ്റി അയക്കാനുള്ള പച്ചക്കറിയും പഴങ്ങളും കോഴിക്കോട് അന്താരാഷ്ട്ര വിമാനത്താവളത്തിൽ മഴനനഞ്ഞ് നശിക്കുന്നു. കേരളത്തിൽനിന്ന് ഏറ്റവുംകൂടുതൽ പച്ചക്കറി കയറ്റിയയക്കുന്ന രണ്ടാമത്തെ വിമാനത്താവളത്തിലാണ് ഈ സ്ഥിതി. കഴിഞ്ഞദിവസത്തെ മഴയിലും 15 ലക്ഷത്തിലധികം രൂപയുടെ പച്ചക്കറിയാണ് നശിച്ചത്. മഴനനഞ്ഞ് പാക്കിങ് ഉൾപ്പെടെ നശിക്കുന്നതോടെ ഇത് കയറ്റിയയക്കാൻ പറ്റാതാവുകയും പ്രാദേശികവിപണിയിൽ പാതിവിലയ്ക്ക് വിറ്റഴിക്കേണ്ടിവരുകയും ചെയ്യുന്ന അവസ്ഥയാണെന്ന് കയറ്റുമതിക്കാർ പറയുന്നു. പാക്കിങ്ങിനുശേഷം പച്ചക്കറി കേരള സ്റ്റേറ്റ് ഇൻഡസ്ട്രിയൽ എന്റർപ്രൈസസിന്റെ കാർഗോ കോംപ്ലക്സിലെത്തിക്കും. ഇവിടെവെച്ച് കേന്ദ്രസർക്കാരിന്റെ പ്ലാന്റ് ക്വാറന്റൈൻ വിഭാഗത്തിന്റെയും കസ്റ്റംസിന്റെയും ക്ലിയറൻസും […]