ഷിംല: ഹിമാചല് പ്രദേശിലെ മേഘ വിസ്ഫോടനത്തിൽ മരണസംഖ്യ 11 ആയി ഉയര്ന്നു. മേഘ വിസ്ഫോടനത്തിന് പിന്നാലെ ഉണ്ടായ മിന്നല് പ്രളയത്തില് കാണാതായ ആറ് പേരുടെ മൃതദേഹങ്ങള് കൂടി കണ്ടെടുത്തു. ദുരന്തത്തില് വിവിധ ഇടങ്ങളിലായി കാണാതായവര്ക്കായുള്ള തിരച്ചിലും രക്ഷാപ്രവര്ത്തനവും തുടരുകയാണ്.
കനത്ത മഴയെ തുടര്ന്നാണ് ഹിമാചല് പ്രദേശില് ഒന്നിലധികം മേഘവിസ്ഫോടനമുണ്ടായത്. 40 ഓളം പേരെ കാണാതായി. മിന്നല് പ്രളയത്തില് നിരവധി വീടുകളും റോഡുകളും പാലങ്ങളുമാണ് ഒലിച്ചുപോയി. ജൂണ് 20 മുതലുള്ള മണ്സൂണ് മഴയില് ഇതുവരെ 28 പേര്ക്ക് ജീവന് നഷ്ടമായതാണ് റിപ്പോർട്ട്.
