കൊച്ചി: വൈപ്പിൻ–ഫോർട്ട് കൊച്ചി റൂട്ടിലെ മൂന്നാമത്തെ റോ-റോ സർവീസ് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്തു. പുതിയ സർവീസ് ആരംഭിച്ചതോടെ കൊച്ചിയിലെ യാത്രക്കാർ ഏറെക്കാലമായി നേരിട്ടിരുന്ന ഗതാഗത പ്രശ്നങ്ങൾക്ക് പരിഹാരമാകുമെന്ന് പ്രതീക്ഷ.
പുതിയ റോ-റോ സർവീസ് മുഖ്യമന്ത്രി ഫ്ലാഗ് ഓഫ് ചെയ്തു. കെഎസ്ആർടിസിയിലെ ‘പ്രിയദർശിനി’ പദ്ധതിക്ക് സമാനമായി റോ-റോയിലും സ്ത്രീകൾക്ക് സൗജന്യ യാത്ര പ്രഖ്യാപിച്ചു. കെഎസ്ആർടിസിയിലും റോ-റോയിലും സൗജന്യ യാത്രയിലൂടെ ലഭിക്കുന്ന തുക സ്ത്രീകൾക്ക് ഭാവി ആവശ്യങ്ങൾക്കായി മാറ്റിവയ്ക്കാൻ കഴിയുന്ന രീതിയിൽ കെഎസ്എഫ്ഇയിൽ ‘പിങ്ക് ചിട്ടി’ ആരംഭിക്കുമെന്നും മുഖ്യമന്ത്രി അറിയിച്ചു.
പശ്ചിമ കൊച്ചി വലിയ ടൂറിസം കേന്ദ്രമായി മാറുമെന്നും മുഖ്യമന്ത്രി പറഞ്ഞു. കൊച്ചിയിൽ ഓഷ്യനേറിയവും ഫിലിംസിറ്റിയും ഉൾപ്പെടെയുള്ള പദ്ധതികൾ വരുന്നതോടെ കൂടുതൽ ആഭ്യന്തര, അന്താരാഷ്ട്ര വിനോദസഞ്ചാരികൾ എത്തുമെന്നാണ് പ്രതീക്ഷയെന്നും അദ്ദേഹം വ്യക്തമാക്കി.
റോ-റോ സർവീസ് കൊച്ചിയുടെ വികസന മുന്നേറ്റങ്ങളുടെ തുടക്കമാണെന്ന് മുഖ്യമന്ത്രി പറഞ്ഞു. പശ്ചിമ കൊച്ചിക്കായി വലിയ കുടിവെള്ള പദ്ധതി സർക്കാർ ഉടൻ നടപ്പാക്കുമെന്നും അദ്ദേഹം അറിയിച്ചു.
പുതിയ ഗതാഗത സൗകര്യം കൊച്ചിയുടെ ടൂറിസം മേഖലയ്ക്കും നഗര വികസനത്തിനും കൂടുതൽ വേഗം നൽകുമെന്നാണ് വിലയിരുത്തൽ.
