പാലക്കാട്: പാലക്കാട് ഒഴലപ്പതിയില് ആധാര് കാര്ഡ് കൈവശമില്ലാത്തതിനാല് ആറു വയസ്സുകാരന് ചികിത്സ നിഷേധിച്ചതായി പരാതി. വടകരപ്പതി പഞ്ചായത്ത് കിണര്പള്ളം സ്വദേശി ജോസഫാണ് പരാതിയുമായി എത്തിയത്. ഒഴലപ്പതി കുടുംബാരോഗ്യ കേന്ദ്രത്തിലെ ജീവനക്കാര്ക്കെതിരേ പരാതി നല്കിയത്.
ആധാര് കാര്ഡ് കൈവശമില്ലാതതിനാൽ ഒപി എടുക്കാന് കഴിയില്ലെന്ന് ജീവനക്കാർ പറഞ്ഞു. പിന്നീടെത്തിക്കാമെന്നും പറഞ്ഞെങ്കിലും ജീവനക്കാർ ചികിത്സ നൽകാൻ തയ്യാറായില്ലെന്ന് കുടുംബം പരാതിയില് പറയുന്നു. എന്നാല്, ആധാര് കാര്ഡില്ലാത്തതുകൊണ്ട് ഒപി ടിക്കറ്റ് നല്കാതിരിക്കുകയോ ചികിത്സ നല്കാതിരിക്കുകയോ ചെയ്തിട്ടില്ലെന്ന് ആശുപത്രി അധികൃതര്.
