തിരുവനന്തപുരം: 2019ലെ തെരഞ്ഞെടുപ്പ് ചട്ടങ്ങൾ വിശദീകരിച്ച കത്തിൽ ബിജെപി സീൽ പതിച്ച വിവാദത്തിൽ കോൺഗ്രസ് പുറത്തിറക്കിയ എഐ വീഡിയോ പിൻവലിച്ചു. ബിജെപിയും തെരഞ്ഞെടുപ്പ് കമ്മീഷനും ഒരേ ഓഫീസിൽ പ്രവർത്തിക്കുന്നുവെന്ന ആരോപണം ഉന്നയിക്കുന്നതാണ് വീഡിയോ. തെരഞ്ഞെടുപ്പ് കമ്മീഷന്റെ നിർദേശത്തെ തുടർന്നാണ് വീഡിയോ നീക്കം ചെയ്തത്.

ബിജെപി സീൽ പതിച്ച കത്ത് കേന്ദ്ര തെരഞ്ഞെടുപ്പ് കമ്മീഷന് ലഭിച്ചതും പിന്നീട് അത് രാഷ്ട്രീയ പാർട്ടികൾക്ക് തെറ്റായി ഫോർവേഡ് ചെയ്തതുമാണ് വിവാദത്തിന് കാരണമായത്. സംഭവത്തിൽ പിശക് ഉണ്ടായതായി കമ്മീഷൻ വ്യക്തമാക്കിയിരുന്നു. സന്ദേശം പിൻവലിക്കാൻ നിർദേശം നൽകിയതായും കമ്മീഷൻ വിശദീകരിച്ചു.

സിപിഐഎം ഉന്നയിച്ച ആരോപണങ്ങൾക്ക് മറുപടിയായാണ് തെരഞ്ഞെടുപ്പ് കമ്മീഷൻ ഈ വിശദീകരണം നൽകിയതും ബന്ധപ്പെട്ട പോസ്റ്റുകളിൽ നടപടി ആരംഭിച്ചതും.