ബോക്സ് ഓഫീസ് തൂക്കി രജനികാന്ത് ചിത്രം കൂലി. ആദ്യദിനകളക്ഷൻ 151 കോടി രൂപയാണ്. നിർമാതാക്കളായ സൺ പിക്ചേഴ്സ് ആണ് കളക്ഷൻവിവരം പുറത്തുവിട്ടത്. ഒരു തമിഴ് സിനിമ നേടുന്ന ഏറ്റവും കൂടിയ ആദ്യദിന കളക്ഷനാണ് കൂലി നേടിയത്. ലോകേഷ് കനകരാജ് സംവിധാനം ചെയ്ത ഈ ചിത്രം ഇതിനകം തന്നെ മികച്ച അഡ്വാൻസ് ബുക്കിംഗുകളിലൂടെ തരംഗം സൃഷ്ടിച്ചിരുന്നു.
ഇന്ത്യയിലെ വിവിധ ഭാഷകളിലായി കൂലിയുടെ ആദ്യ ദിവസത്തെ മൊത്തം കളക്ഷൻ ഏകദേശം 65 കോടി രൂപയാണെങ്കിലും, തമിഴ്നാട്ടിൽ നിന്ന് 28–30 കോടി രൂപയും, ആന്ധ്രാപ്രദേശ്/തെലങ്കാനയിൽ നിന്ന് 16–18 കോടി രൂപയും, കർണാടകയിൽ നിന്ന് 14–15 കോടി രൂപയും, കേരളത്തിൽ നിന്ന് 10 കോടി രൂപയും, വിദേശ വിപണികളിൽ നിന്ന് 75 കോടി രൂപയും കൂലി നേടിയതായി ട്രേഡ് റിപ്പോർട്ടുകൾ സൂചിപ്പിക്കുന്നു. ഈ കണക്കുകൾ പ്രകാരം, ഇന്ത്യയിൽ ആദ്യ ദിവസം 76 കോടി രൂപ നേടിയ ലിയോയുടെ റെക്കോർഡ് ചിത്രം മറികടന്നു.
